M. Áýezov atyndaǵy ádebıet jáne óner ınstıtýtynyń dırektory Kenjehan Matyjanovtyń aıtýynsha, órkenıetti elderde ózekti máselelerdi referendýmda sheshý tásili qoldanysta bar. Bul týraly Almaty-akshamy.kz habarlaıdy Almaty.tv-ge silteme jasap.
«Órkenıetti elderde halyqtyń únin, pikirin, múddesin esepke alý úshin ózekti máselelerdi referendýmda sheshý tásili bar. Sondyqtan Memleket basshysy bul máseleni kópten beri kóterip keledi. Prezıdent Qańtar oqıǵasynan keıingi kezeńdegi óz sózinde Jańa Qazaqstandy qurý jáne Jańa Qazaqstan qandaı bolady degen máselege qatysty oıyn ashyq aıtyp júr. Ádiletti Jańa Qazaqstan qurý úshin Ata zańǵa ózgeris engizý kerek. Qazaqstanda halyq múddesin qoldaıtyn, halyqtyń únine qulaq asatyn, Prezıdenttik jáne Parlamenttik, sonymen qosa esep beretin Úkimeti bar jańa memlekettik júıe qalyptasady degen oıdamyz», – dedi M. Áýezov atyndaǵy ádebıet jáne óner ınstıtýtynyń dırektory Kenjehan Matyjanov.