Adam quqyqtary jónindegi ýákil A. Lastaev Bala quqyqtary jónindegi Ombýdsman A. Saınmen kezdesti
Ombýdsmandar Artýr Lastaev jáne Arýjan Saın adam men balalardyń quqyqtaryn, bostandyqtary men zańdy múddelerin qorǵaý maqsatynda yntymaqtastyq týraly birlesken memorandýmǵa qol qoıdy, - dep habarlaıdy almaty-akshamy.kz
Memorandým sheńberinde taraptar azamattardy birlesken qabyldaýlar, quqyqtyq túsindirý jumystaryn júrgizip, onyń ishinde mekemeler men uıymdarǵa birlesken saparlardy uıymdastyrý kezinde tájirıbe jáne aqparat almasady.
«Adam quqyqtaryn, onyń ishinde balalardy qorǵaý, olarǵa qatysty zorlyq-zombylyqty joıý Adam quqyqtary jónindegi ýákil men Bala quqyqtary jónindegi ýákildiń basym mindetteriniń biri bolyp tabylady. Memlekettiń, úkimettik emes sektordyń jáne qoǵamnyń birlesken kúsh - jigeri bizge osy mańyzdy baǵytta qajetti nátıjelerge qol jetkizýge kómektesetinine senimdimin», - dedi Lastaev.
Kezdesý barysynda taraptar Qazaqstanda balalardyń quqyqtaryn qorǵaý men ilgeriletýdi qamtamasyz etýde kúsh-jigerdi biriktirý qajettiligi týraly túsinikke qol jetkizdi.
Kezdesý qorytyndysy boıynsha taraptar balalardyń densaýlyǵy men áleýmettik qorǵalýynyń, zorlyq-zombylyqqa qarsy is-qımyldyń ózekti máseleleri boıynsha yntymaqtastyqty jalǵastyrýǵa nıet bildirip, sondaı-aq aldaǵy birlesken jumys josparlaryn belgiledi.