Qazaqstan Respýblıkasy Úkimetiniń qaýlysymen Abzal Beısenbekuly QR Qarjy vıse-mınıstri qyzmetine taǵaıyndaldy.
Bul týraly Almaty-akshamy.kz Qazaqstan Respýblıkasy Úkimetiniń baspasóz qyzmetine silteme jasap habarlaıdy.
Abzal Beısenbekuly 1985 jyly Jambyl oblysynda dúnıege kelgen.
M. H. Dýlatı atyndaǵy Taraz memlekettik ýnıversıtetin, Nottıngem ýnıversıtetin (Ulybrıtanıa), Taraz ınovasıalyq-gýmanıtarlyq ýnıversıtetin bitirgen. Prezıdenttik jastar kadr rezerviniń múshesi.
Eńbek jolyn 2007 jyly QR Bilim jáne ǵylym mınıstrligi Ǵylym komıtetinde bastaǵan.
2008-2010 jyldary – Ekonomıka jáne búdjettik josparlaý mınıstrligi Áleýmettik salany damytý departamenti Bilim jáne ǵylymdy damytý basqarmasynyń sarapshysy.
2010-2011 jyldary QR Qarjy mınıstrligi Áleýmettik salada búdjettik baǵdarlamalardy josparlaý, olardyń atqarylýyn taldaý jáne iske asyrylýyn baǵalaý departamentinde jumys istedi.
2011-2019 jyldary – QR Prezıdenti Ákimshiliginiń Áleýmettik-ekonomıkalyq monıtorıń bóliminiń sarapshysy, konsýltanty, ınspektory, sektor meńgerýshisi jáne bólim meńgerýshisiniń orynbasary.
2019-2021 jyldary jeke jáne kvazımemlekettik sektorda basshylyq qyzmetter atqardy.
2021 jylǵy naýryzdan bastap qazirgi ýaqytqa deıin QR Qarjy mınıstrliginiń apparat basshysy qyzmetin atqardy.
Buryn osy laýazymdy atqarǵan Tatána Mıhaılovna Saveleva qyzmetten bosatyldy.