Abaı atyndaǵy QazUPÝ-da el Prezıdenti Qasym-Jomart Toqaevtyń «Ádiletti memleket. Birtutas ult. Berekeli qoǵam» atty Joldaýy talqylandy. İs-sharaǵa ýnıversıtet basshylyǵy, profesor-oqytýshylar quramy, stýdentter, sondaı-aq «Amanat» partıasy men BAQ ókilderi qatysty, dep habarlaıdy Almaty-akshamy.kz.
İs-shara barysynda el ekonomıkasyn jáne onyń barlyq salalaryn, birinshi kezekte bilim berýdi odan ári damytýdyń ózekti máseleleri talqylandy. «Kúshti Prezıdent – yqpaldy Parlament – esep beretin Úkimet» formýlasyna erekshe nazar aýdaryldy. Baıandamashylar Memleket basshysynyń elimizdiń jastary men balalaryn áleýmettik qoldaýdy jańǵyrtý, pedagogıkalyq saladaǵy kadrlardy daıarlaý sapasy jónindegi bastamalaryn erekshe atap ótti.
Rektor D.Bilálov óz sózinde Joldaýdyń joǵary bilimdi damytýdyń nusqaýlyǵy retindegi mańyzdylyǵyna toqtaldy. Elbasy alǵa qoıǵan mindetterdi júzege asyrý otandyq joǵary oqý oryndarynyń jumysyn sapaly ózgertýge ǵana qyzmet etedi.
«Joldaý elimizdiń áleýmettik-ekonomıkalyq damýyn baǵdarlap, aldaǵy saıası ózgeristerin aıqyndap berdi. Bes baǵdardy qamtıtyn saıası qujatta El Prezıdenti «Memleket, eń aldymen, bárine birdeı múmkindik berip, ádildik ornatady. Qoǵam ıgiligine arnalǵan qyzmet deńgeıi joǵary bolýyna kepildik beredi. Áleýmettik jaǵynan álsiz toptaǵy azamattarǵa qoldaý kórsetemiz» dep basyp aıtty», – dedi rektor.
Joldaýdyń úshinshi baǵdary elimizdiń basty qundylyǵy – adamı kapıtaldy damytýǵa arnalyp otyr. Osy oraıda, Memleket basshysy el bolashaǵyn strategıalyq ınsvestısıalaý qajettigin aıtyp ótti. Ol úshin ulttyq baılyqty teń bólý jáne barshaǵa birdeı múmkindik berý – reformanyń basty maqsaty bolýy tıis ekendigin tilge tıek etti.
İs-sharada sóz sóılegen spıkerler Joldaýda aıtylǵan bastamalar týraly óz pikirlerin bildirip, negizgi baǵyttaryn naqtylady.
Talqylaý qorytyndysy boıynsha is-sharaǵa qatysýshylar qyrkúıektegi Joldaý elimizdiń órkendegen memleketti qalyptastyrý jolyndaǵy odan ári ilgerileýiniń strategıalyq baǵytyn belgilegenin, oǵan árbir azamat óziniń laıyqty úlesin qosýy kerektigin atap ótti. Abaı atyndaǵy QazUPÝ ujymy Prezıdenttiń «Ádiletti memleket. Birtutas ult. Berekeli qoǵam» atty Joldaýy táýelsiz Qazaqstan tarıhynyń jańa betterin ashyp, el damýyna jańa serpin beretindigine senimdi.
Rımma Abdyqadyrqyzy.