Kez kelgen azamat elimizdiń zań qoǵamdastyǵyndaǵyeń úzdik ókilderden tegin qajetti keńes ala alady
«16 qyrkúıek kúni jergilikti ýaqytpen saǵat 16:00-de Qazaqstannyń barlyq iri qalalarynda «Halyq zańgeri» jalpyrespýblıkalyq aksıasy bastalady», dep habarlaıdy Almaty-akshamy.kz.
Aksıanyń maqsaty - halyqtyń quqyqtyq saýattylyǵyn arttyrý jáne tegin zań jóninen kómek kórsetý. Kez kelgen azamat elimizdiń zań qoǵamdastyǵyndaǵyeń úzdik ókilderden tegin qajetti keńes ala alady. Olardyń arasyndabelgili advokattar, notarıýstar, prokýrorlar, tergeýshiler, sot oryndaýshylary, memlekettik organdardyń basshylary jáne t. b. bar.
Aksıany uıymdastyrýshylar QR Sybaılas jemqorlyqqa qarsy is-qımyl agenttigi, zakon.kz jelilik basylymy, «Paragraf» aqparattyq júıesi, memlekettik bılik organdary jáne Qazaqstannyń úzdik zańgerleri men advokattary.
«Halyq zańgeri» aksıasyn ótkizý dástúrge aınaldy jáne qarapaıym qazaqstandyqtar alǵysyn bildirýde. 2016-2019 jyldar aralyǵynda aksıaǵa 7000-nan astam úzdik sarapshylar men memlekettik organdardyń sheshim qabyldaı alatyn quziretke ıe ókilderi qatysty. Quqyqtyq kómekke júgingen 100 000-nan astam azamat keńes aldy.
Karantındik shekteýler engizilgen kezeńde «Halyq zańgerin» ótkizý toqtatyldy. 2022 jyly sanıtarlyq-epıdemıologıalyq jaǵdaıdyń qalypqa kelýine baılanysty osy áleýmettik mańyzy bar is-sharany qaıta bastaý týraly sheshim qabyldandy.
Almaty qalasy boıynsha myna mekenjaıda ótedi: Nurkent yqsham aýdany, 7 korpýs, «Almaty Arena» muz kesheni.
Aksıa formatynyń Qazaqstanda ǵana emes, sondaı-aq aýqymy men geografıasy boıynsha álemde teńdesi joq.