Qyrkúıek-jeltoqsan aılarynda Jetisý oblysynda vırýstyq "A" gepatıtin juqtyrǵandar sany 7 ese ósken.
Eger ótken jyly indettiń ilmegine ilingender nebári 4 adam bolsa, bıyl 29-ǵa jetip otyr. Onyń 27-siniń dıagnozy zerthanalyq synamalarmen rastalǵan.
Olardyń arasynda 14 jasqa deıingi bala sany – 6-aý. Naýqastardyń 28 paıyzynda gepatıt adamnan adamǵa juqsa, 72 paıyzynda maýsymdyq syrqat dep belgilengen, dep habarlaıdy almaty-akshamy.kz qazaqstan.tv-ge silteme jasap.
Qazir olarmen qarym-qatynasta bolǵan azamattar medısınalyq baqylaýǵa alynyp, ımmýndaý jumystary josparǵa saı júrgizilip jatyr.
"Bul juqpa vaksınasy bar. Bul vaksınany engizilgeli beri, mysalǵa bizdiń oblysta 2011 jyldyń qarasha aıynan bastap engizilgen. Sol jyldardaǵy syrqattanýshylyqpen salystyrsaq, qazirgi syrqattanýshylyq 7 ese tómendedi."Indıra Kúnbasova, Jetisý oblystyq sanıtarıalyq-epıdemıologıalyq baqylaý departamenti basshysynyń orynbasary