Almatyda qar jaýady
«Qazgıdromet» RMK 7 aqpandaǵy kún raıy boljamyn jarıalady, dep habarlaıdy Almaty-akshamy.kz.
Qazaqstan aýmaǵynyń basym bóliginde, soltústik-batys sıklon jyrasynyń jáne onymen baılanysty atmosferalyq aǵyndardyń áserinen jaýyn-shashyn (jańbyr, qar) bolady, ońtústiktiń taýly aýdandarynda nóser jaýyn bolady. Keı jerlerde kóktaıǵaq bolyp, tuman túsedi, jel kúsheıýi yqtımal.
Túrkistan oblysynyń soltústiginde, batysynda tuman túsip, kóktaıǵaq bolady, oblystyń batysynda, soltústiginde, taýly, taý bókterli aýdandarda jeldiń jyldamdyǵy sekýndyna 15-20 metrge, túnde jáne tańerteń ekpini 23 m/s-ke jeteji.
Almaty oblysynyń soltústiginde, ońtústiginde, shyǵysynda tuman túsip, kóktaıǵaq bolady, oblystyń ońtústiginde jáne soltústik-shyǵysynda jel kúsheıi, jyldamdyǵy sekýndyna 17-22 m/s-ke jetedi.
Jambyl oblysynyń ońtústik-batysynda, soltústik-shyǵysynda jáne taýly aýdandarynda kóktaıǵaq bolyp, oblystyń soltústiginde, taýly jáne taý bókterli aýdandarynda tuman túsip, túnde soltústik-shyǵysta, ońtústik-batysta jáne taýly aýdandarda jeldiń jyldamdyǵy sekýndyna 15-20 metrge jetedi, oblystyń ońtústik-batysynda ekpini 23-28 m/s bolady.
Qyzylorda oblysynyń soltústiginde, ortalyǵynda tuman túsip, jeldiń jyldamdyǵy sekýndyna 15-20 metrge jetedi. Túnde soltústikte, shyǵysta kóktaıǵaq, burqasyn bolady.
Túnde Aqmola oblysynyń batysynda, ońtústiginde, kúndiz basym bóliginde jaıaý burqasyn soǵyp, kúndiz oblystyń ońtústik-batysynda jeldiń jyldamdyǵy sekýndyna 15-20 metrge jetedi.
Aqtóbe oblysynyń ońtústik-shyǵysynda, soltústik-batysynda jáne ortalyǵynda jaıaý burqasyn bolyp, oblystyń soltústiginde tuman túsedi, oblystyń ortalyǵynda, ońtústik-shyǵysynda jeldiń jyldamdyǵy sekýndyna 15-20 metrge jetedi.
Batys Qazaqstan oblysynyń shyǵysynda kóktaıǵaq bolyp, oblystyń soltústiginde tuman túsedi.
Qostanaı oblysynyń ońtústiginde, batysynda jel 15-20 m/s kúsheıip, jaıaý burqasyn bolady, oblystyń shyǵysynda tuman túsedi.
Kúndiz Soltústik Qazaqstan oblysynyń ońtústik-batysynda jaıaý burqasyn bolady. Túnde Qaraǵandy oblysynyń batysynda, ońtústiginde, ortalyǵynda, kúndiz batysynda, soltústiginde, shyǵysynda jaıaý burqasyn, oblystyń batysynda jáne ortalyǵynda jeldiń jyldamdyǵy sekýndyna 15-20 metrge jetedi.
Shyǵys Qazaqstan oblysynyń ońtústik-batysynda jeldiń jyldamdyǵy sekýndyna 17-22 metrge jetedi, kúndiz oblystyń ońtústiginde jaıaý burqasyn bolady.
Atyraý oblysynyń soltústik-shyǵysynda tuman túsedi. Mańǵystaý oblysynyń batysy men soltústik-shyǵysynda kóktaıǵaq kútiledi, oblystyń soltústiginde jeldiń ekpini 15-20 m/s deıin kúsheıýi kútiledi.