Búgin tańerteń Almaly aýdanynda №65 qoǵamdyq avtobýs pen úsh jeńil avtokóliktiń qatysýymen jol-kólik oqıǵasy boldy, dep habarlaıdy aqshamnews.kz
Bolǵan oqıǵanyń egjeı-tegjeıin qalalyq polısıa departamentiniń baspasóz qyzmeti aıtyp berdi.
Tártip saqshylarynyń málimetinshe, avtobýs júrgizýshisi Rozybakıev kóshesimen soltústik baǵytta kele jatyp, Qurmanǵazy kóshesimen qıylysta Volkswagen kóligimen soqtyǵysqan.
"Sheteldik kólik qatty soqqydan qarsy jolaqqa shyǵyp, taǵy eki kólikpen soqtyǵysqan", dep málimdedi Almaty PD baspasóz qyzmeti.
Sondaı-aq, Volkswagen júrgizýshisiniń medısınalyq kómekke júgingeni belgili boldy. Endi apattyń mán-jaıyn polısıa qyzmetkerleri anyqtaıdy.