Adamdar vırýstar men bakterıalardan emes, osydan aýyrady eken.
Áleýmettik jelilerde 5G formatyndaǵy baılanys baǵanalary ınternetke jyldam kirý úshin emes, adamdardy joǵary radıasıamen sáýlelendirý úshin ornatylatyndyǵy týraly aqparat jazylýda, dep habarlaıdy Almaty-akshamy.kz Stopfake.kz saıtyna silteme jasap.
Mamandardyń aıtýynsha, bul jalǵan málimet.
5G tehnologıasy salystyrmaly túrde jańa joba bolsa da, jańa jáne buryn belgisiz bolǵan tolqyndardy paıdalanbaıdy. Internetke jyldam kirý jáne úzdik baılanys sapasyn Beam Forming, Massive MIMO jáne basqa da tehnologıalar esebinen qamtamasyz etiledi. 5G formatyndaǵy baılanys qalaı jumys isteıtini týraly fızık jáne ǵylymdy dáripteýshi Dmıtrıı Pobedınskıı óziniń YouTube arnasynda egjeı-tegjeıli aıtyp beredi.
5G jelilerinde ártúrli dıapazondaǵy radıo tolqyndaryn paıdalanylady. Tómen jıilikti 5G 600-850 MGs dıapazonynda jumys isteıdi. Qoldanystaǵy 4G baılanys formaty da osy jıilikte qosylady.
Ortasha jıilikte 2.5–3.7 GGs dıapazony qoldanylady. Wi-Fi tehnologıasy da osy jıilikte jumys isteıdi.
Joǵary jıilikti 5G 25-ten 39 GGs-ke deıingi dıapazonda qoldanylady. Ol polısıa radarlary men basqa da qurylǵylarda paıdalanylady.
Polısıa radarlary men basqa da qurylǵylar da osy jıilikte jumys isteıdi.
Barlyq kórsetilgen jıilikterdiń radıo tolqyndaryn radıasıa dep ataýǵa bolmaıdy. Óıtkeni, «radıasıa» sózi ıondaýshy sáýlelený degendi bildiredi, mysaly, rentgen apparattarynan shyqqan nemese gamma-sáýleler shyǵaratyn sáýlelený. Perıodtyq kesteniń keıbir elementteri ıondaýshy sáýlelený kózderi bolyp tabylady: ýran, radıı, plýtonıı jáne basqalary.
Radıotolqyndar da kózge kórinetin jaryq, jylý jáne mıkrotolqyndar sekildi ıondamaıtyn sáýlelený kózderi bolyp tabylady. Iaǵnı, radıoaktıvti emes jáne olardy radıasıa dep ataýǵa bolmaıdy.
Demek, 5G baǵanalary adamdardy sáýlelendiretini týraly aqparat – feık. Onda ıondaýshy sáýlelený túrlerine jatpaıtyn radıo tolqyndar paıdalanylady.