Talapqa baǵynbaǵandar aıyppul tólep, qylmystyq jaýapkershilikke tartylmaq.
İİM ókili Shuǵyla Turlybektiń aıtýynsha, 5 sáýirden bastap balyq ónimderiniń aınalymy erekshe baqylaýda bolady, dep habarlaıdy Almaty-akshamy.kz
- Ekologıa jáne tabıǵı resýrstar mınıstrligi balyq jáne basqa da sý janýarlarynyń bıoalýandyǵyn saqtaý úshin el aýmaǵynda 5 sáýir men 5 maýsym aralyǵynda «Ýyldyryq shashý» aksıasyn ótkizedi. Mınıstrlik ár óńirdiń ereksheligin eskerip, balyq aýlaýǵa tyıym salý merzimin engizdi, - dedi Shuǵyla Turlybek.
Ol aksıa talaptaryn buzǵandar jaýapqa tartylatynyn eskertti.
«Osy kezeńde múddeli memlekettik organdardyń qyzmetkerleri balyq aýlaýǵa tyıym salýǵa, balyq jáne balyq ónimderin zańsyz satyp alyp, ótkizýdiń, tasymaldaýdyń faktilerin anyqtap, jolyn kesýge basty nazar aýdarady. Talapqa baǵynbaǵandarǵa Ákimshilik kodekstiń 383-baby boıynsha 10 AEK-ten 40 AEK-ke deıin (34 500-138 myń teńge) aıyppul jáne 3 jylǵa deıin bas bostandyǵynan aıyrý (Qylmystyq kodekstiń 335-baby boıynsha) túrindegi qylmystyq jaýapkershilik kózdelgen», - dedi İİM ókili.