Elimizde «jastar» uǵymynyń jas shegi 35 jasqa deıin jetkiziledi
Bul týraly Parlament Májilisiniń jalpy otyrysynda depýtat Jámılá Nurmanbetova aıtty, dep habarlaıdy almaty-akshamy.kz
Atap aıtqanda, bul norma «Qazaqstan Respýblıkasynyń keıbir zańnamalyq aktilerine memlekettik jastar saıasaty jáne áleýmettik qamsyzdandyrý máseleleri boıynsha ózgerister men tolyqtyrýlar engizý týraly» zań jobasynda qamtylǵan. Palata depýtattary osy qujatty ekinshi oqylymda maquldady.
Zań jobasy memlekettik jastar saıasaty salasyn jetildirýge, qoǵamdyq qatynastardy keshendi retteýdiń tıimdi quqyqtyq negizin qalyptastyrýǵa, jumyspen qamtýdy qamtamasyz etýge, jastardyń damýyna qolaıly jaǵdaı jasaýǵa baǵyttalǵan.
«Zań jobasymen jumys barysynda depýtattar «jastar» uǵymynyń jas shegin 29-dan 35 jasqa deıin ulǵaıtýǵa baǵyttalǵan túzetý engizdi. Bul jastardyń áleýmettik belsendiligin arttyrýǵa yqpal etedi. Jergilikti atqarýshy organdarǵa jastarǵa jeńildikpen jalǵa beriletin turǵyn úı tapsyrý jónindegi baǵdarlamany ázirleý jáne iske asyrý boıynsha jańa quzyret berýge baǵyttalǵan túzetýler engizdi», - dedi Jámılá Nurmanbetova.