Depýtat Asqat Aımaǵambetov bul másele Parlamenttiń emes, Úkimettiń quzyretindegi sharýa ekenin eske saldy.
Májilis depýtaty Asqat Aımaǵambetov jýrnalıserdiń suraǵyna bergen jaýabynda jańa jyl merekesiniń demalys kúnin 31 jeltoqsanǵa aýystyrýdyń qanshalyqty oryndy ekeni týraly pikir bildirdi, dep habarlaıdy aqshamnews.kz
"Shynymdy aıtsam, osy suraq meni de mazalaıtyn. 31 jeltoqsan nege demalys kúni emes? 31 jeltoqsanda kóńil-kúıimiz múlde basqasha bolady. Esimde, oqýshy kezimizde de, keıin de osy suraqty qoıatynbyz. Ondaı sheshim qabyldansa, eshkimge jaman bolmas edi dep oılaımyn. Sheshim qabyldansa, tolyq qoldaıtyn edim", -dedi Asqat Aımaǵambetov.
Depýtat demalysty aýystyrý týraly sheshim sondaı qıyn emes ekenin eske saldy.
"Árbir ýákiletti organnyń óz quzyreti bar. Bul másele úkimettiń quzyrynda. Qosymsha demalysty aýystyrý týraly sheshim qabyldansa, onda turǵan ne bar", -dedi Májilis depýtaty.