Túnde jáne tańerteń Jetisý oblysynyń taýly aýdandarynda tuman túsedi
29 qazanda elimizdiń úsh oblysynda aýa raıynyń kúrt ózgerýine baılanysty eskertý jarıalandy. "Qazgıdromet" RMK tuman túsip, kóktaıǵaq bolatynyn ári boran soǵatynyn boljaıdy, dep habarlaıdy Almaty-akshamy.kz.
Túnde jáne tańerteń Batys Qazaqstan oblysynyń soltústiginde tuman túsedi dep kútiledi. Oral qalasynda túnde jáne tańerteń tuman túsedi.
Túnde Shyǵys Qazaqstan oblysynyń soltústiginde, shyǵysynda, ońtústiginde kóktaıǵaq bolady, boran soǵady dep boljanady.
Túnde jáne tańerteń Jetisý oblysynyń taýly aýdandarynda tuman túsedi. Alakól aýdanynda soltústik-shyǵystan soqqan jeldiń ekpini 17-22 m/s quraıdy.
Sınoptıkterdiń boljamynsha, Qazaqstannyń batysynda, ońtústiginde jáne shyǵysynda 29 qazanda jańbyr jaýady. Elimizdiń basym bóliginde Soltústik-Batys antısıklonynyń áserinen jaýyn-shashynsyz aýa raıy qalyptasady.