Azamattar osy kezeńde turǵyn úı baǵdarlamasyna baılanysty qyzmetterdi paıdalana almaıdy.
«Jyljymaıtyn múliktiń biryńǵaı memlekettik kadastry» jańa aqparat júıesine kóshýine baılanysty jyljymaıtyn múlik jelisi boıynsha qyzmetter kórsetýge ótinimdi qabyldaý ýaqytsha toqtatylady, dep habarlaıdy Almaty-akshamy.kz Aikyn.kz-ke silteme jasap.
26 sáýir men 9 mamyr aralyǵynda elimizdiń HQKO-larynda jyljymaıtyn múlikke quqyqtardy memlekettik tirkeý, mindetti tirkeýge jatpaıtyn jyljymaly múlikti tirkeý jáne jyljymaıtyn múlik nysandaryn tehnıkalyq tekserý salasynda qyzmet túrlerin kórsetpeıdi.
Qaǵaz jetkizý qyzmettiń oryndalýy ári qujattardy jetkizý merziminiń uzaqtyǵyna baılanysty HQKO-larda kórsetiletin qyzmetterdi qabyldaý eGov.kz-ten buryn toqtatylady. Qyzmetke 26 sáýirge deıin tapsyrys bergen azamattar nátıjeni kórsetilgen merzimde ala alady.
Sonymen qatar 2-9 mamyr aralyǵynda eGov.kz portaly arqyly jyljymaıtyn múlikti resimdeýge ári tehnıkalyq tekserýge qujattardy onlaın qabyldaý, notarıýstar, salyq júıeleri arqyly, ekinshi deńgeıdegi bankter jáne Ádilet mınıstrliginiń atqarýshy organdarynyń júıeleri boıynsha qabyldaý toqtatylady. Odan bólek, kórsetilgen kezeńde azamattar turǵyn úı baǵdarlamalaryna baılanysty qyzmetterdi paıdalana almaıdy.
«Jańa júıege kóshý mereke kúnderi uıymdastyrylady. Aıta keteıik, JMBMK-ǵa kóshý kezinde jer ýchaskelerin resimdeýge baılanysty barlyq jaǵdaı kezeń-kezeńimen sıfrlanady. Odan bólek, memlekettik qyzmetterdiń barlyq spektrin kórsetý, onyń ishinde jańa jáne qoldanystaǵy ýchaskeler boıynsha túzetý engizý múmkindigi kózdelgen. Sondaı-aq sybaılas jemqorlyq qaýpine jol bermeý maqsatynda jer ýchaskeleri men jyljymaıtyn múlikti resimdeý zańnama turǵysynda qarastyrylady», – dedi Korporasıanyń basqarma tóraǵasy Súıenish Ábdildın.