«Qazgıdromet» RMK naýryzdyń 25-i kúngi aýa raıy boljamyn jarıalady, dep habarlaıdy Almaty-akshamy.kz.
Kásiporynnyń boljamyna qaraǵanda, atmosferalyq frontaldy bólikterdiń ótýine oraı Qazaqstannyń basym bóliginde kún qubylmaly bolady, jaýyn jaýyp, elimizdiń soltústigi men shyǵysynda kóbine qar jaýady, túnde ońtústik-batysta nóser jaýyn (jańbyr, qar) jaýady. Tek elimizdiń batysynda ǵana kún jaýyn-shashynsyz bolady. Respýblıka boıynsha jel kúsheıip, tuman túsedi, kóktaıǵaq bolady, eldiń soltústigi, soltústik-batysy men shyǵysynda jaıaý burqasyn soǵady.
Túnde Túrkistan oblysynyń batysy, ońtústigi, taýly jáne taý bókterli aýdandarynda tuman túsip, kúndiz taý asýlarynda jeldiń kúshi sekýndyna 15-20 metrge jetedi.
Jambyl oblysynyń ońtústigi, soltústik-shyǵysy men taýly aýdandarynda tuman túsip, kóktaıǵaq bolady, tańerteń jáne kúndiz oblystyń shyǵysy men taýly aýdarynda jeldiń kúshi sekýndyna 15-20 metrge jetedi.
Túnde jáne tańerteń Almaty oblysynyń ońtústigi men taýly aýdandarynda tuman túsip, kóktaıǵaq bolady, óńirdiń soltústik-shyǵysynda jel sekýndyna 15-20 metr jyldamdyqpen esedi.
Qyzylorda oblysynyń soltústiginde tuman túsip, kúndiz ortalyǵynda jeldiń kúshi sekýndyna 15-20 metrge jetedi. Kúndiz Soltústik Qazaqstan oblysynyń soltústiginde jaıaý burqasyn, kóktaıǵaq bolady, túnde soltústigi men ońtústiginde, kúndiz basym bóliginde jeldiń kúshi sekýndyna 15-20 metrge jetedi, kúndiz ekpini 25 m/s bolady.
Pavlodar oblysynyń túnde shyǵysynda, kúndiz soltústiginde jaıaý burqasyn, kóktaıǵaq bolady, túnde shyǵysynda, kúndiz batysy men soltústiginde jeldiń kúshi sekýndyna 15-20 metrge jetedi.
Shyǵys Qazaqstan oblysynyń soltústik-shyǵysynda jaıaý burqasyn bolyp, túnde batysy, soltústik-shyǵysy men ońtústiginde jeldiń jyldamdyǵy sekýndyna 15-20 metrge jetedi, ekpini 23 m/s deıin kúsheıýi múmkin.
Qostanaı oblysynyń shyǵysy men ońtústiginde tuman túsip, kóktaıǵaq bolady, shyǵysynda jaıaý burqasyn soǵady, kúndiz shyǵysynda jeldiń kúshi sekýndyna 15-20 metrge jetedi.
Aqmola oblysynyń soltústigi men batysynda jaıaý burqasyn soǵyp, kóktaıǵaq bolady, óńirdiń soltústigi men shyǵysynda jeldiń kúshi sekýndyna 15-20 metrge jetedi.
Mańǵystaý oblysynyń batysynda tuman túsip, batysy men ońtústik-shyǵysynda jeldiń jyldamdyǵy sekýndyna 15-20 metrge jetedi.
Batys Qazaqstan oblysynyń soltústiginde, Atyraý oblysynyń soltústigi men ortalyǵynda tuman kútiledi.