Jol ınfraqurylymynyń sapasyn jaqsartý maqsatynda bıyl aýdanda jalpy uzyndyǵy 28 km bolatyn 24 kósheni ortasha jóndeý josparlanǵany týraly Almaty qalasynyń ákimi E.Dosaev Bostandyq aýdany turǵyndarymen kezdesýinde aıtty, dep habarlaıdy Almaty-akshamy.kz.
Jumystar mamyr aıynda bastalyp, qarasha aıynda aıaqtalady.
Jyl basynan beri aýdany 1,7 myń sharshy metr 20 kóshede shuńqyrlardy jóndeý jumystary júrgizildi. Osy baǵyttaǵy jumys jalǵasady. Joǵaryda aıtylǵandaı, ortalyqsyzdandyrý aıasynda bıylǵy jyldan bastap joldardy aǵymdaǵy jóndeýdi aýdan ákimdikteri júrgizetin bolady. Bostandyq aýdany boıynsha 250 mln teńgege jalpy aýdany 16,5 myń sharshy metr joldy jóndeý josparlanǵan, - deıdi qala ákimi.
Sondaı-aq ál-Farabı dańǵylyndaǵy Esentaı ózeni arqyly ótetin kópir qaıta jańartylyp, erekshe qajettilikteri bar adamdar úshin 2 kópir men pandýstar ornatylady. Jumystardy maýsym aıynda bastaý josparlanǵan.