Konkýrs bastaldy.
Almatyda 2021 jyldyń 23 tamyzynan bastap «Búdjetke qatysý» jobasy boıynsha usynystar qabyldaý bastalady. Almatylyqtar 1 qazanǵa deıin budget.open-almaty.kz portaly arqyly usynys bere alady, dep habarlaıdy Almaty-akshamy.kz.
Joba Almatynyń 8 aýdanynyń árqaısysyna qalalyq búdjetten 800 mln teńgeden (jobanyń jalpy somasy 6,4 mlrd teńge) bólýdi kózdeıdi.
Almatylyqtardyń ózderi ashyq daýys berý arqyly qala búdjetin qandaı bastamalarǵa baǵyttaý kerektigin anyqtaıdy. Ideıa avtorlarynyń ótinimderine Almaty qalasy qoǵamdyq keńesiniń músheleri, sarapshylar, máslıhat depýtattary, ÚEU ókilderi de óz baǵalaryn beredi.
Jobalyq usynystar budget.open-almaty.kz portaly arqyly qabyldanady. Ol úshin ótinimdi toltyrý qajet (jobalyq usynystyń ataýy, onyń sıpattamasy, nysannyń mekenjaıy), jobalyq usynystyń eskızi men smetasyn mindetti túrde bekitý qajet (baǵdarly bolýy múmkin). Sondaı-aq qalasańyz, aǵymdaǵy kúı men prezentasıalardyń fotosýretterin qosý múmkindigi bar. Bir jobanyń quny 58,3 mln teńgeden aspaýy tıis.
Jobalyq usynystar kelesi ólshemderge sáıkes bolýy kerek:
• bir avtor - bir ótinim - bir nysan;
• ortaq paıdalaný nysany;
• nysan ótkizý josparlanǵan aýdan aýmaǵynda, jalpy, qoldanystaǵy jer teliminde ornalasýy;
• ákimdik quzyreti sheginde bolý jáne t. b.
Qaraýǵa qabyldanbaıtyn jobalyq usynystar:
• qurylys-montajdaý jumystaryn júrgizbesten, tek JSQ ázirleýge eseptelgen;
• fragmenttik (bolashaqta qosymsha elementterdi iske asyrýdy talap etetin);
• Almatyny damytý baǵdarlamasy men QR zańnamasyna sáıkes kelmeıtin;
• komersıalyq sıpattaǵy jáne t. b.
Aýdandyq ákimdikterdiń saraptamalyq komısıalary «halyqtyń Búdjetke qatysý» jobasynyń uıymdastyrý jáne ótkizý týraly Erejeler talaptaryna sáıkes, Qazaqstan Respýblıkasynyń zańnamasyna jáne Almaty qalasynyń damý baǵdarlamasyna sáıkes keletin jobalardy irikteıdi. Aýdan ákimdiginiń saraptama komısıasynyń derbes quramyn aýdan ákimi qalyptastyrady jáne bekitedi.
Saraptaý komısıasynyń quramyna mynalar kiredi:
• keminde máslıhattyń eki depýtaty;
• aýdandyq sáýletshi;
• qurylys salasyndaǵy maman;
• qurylys jobalary boıynsha shyǵyndar smetasyn jasaý boıynsha jumys tájirıbesi bar maman;
• Almaty qalasy qoǵamdyq keńesiniń keminde tórt ókili;
• qoǵamdyq uıymdardyń keminde tórt ókili.
«Búdjetke qatysý» týraly keńesti nemese aqparatty Almaty qalasynyń aýdandyq ákimdikterinen, Almaty qalasy ákimdiginiń «Open Almaty» qoǵamdyq qabyldaý bólmesine 224 39 29 (ishki. 203, 139), 1308, 338 33 88 telefon nómirleri arqyly habarlasa alasyz.