9 mlrd teńgeden astam qarajat bóledi.
Halyqtyń áleýmettik osal toptarynan shyqqan 2267 stýdent «Qazaqstan halqyna» qoǵamdyq qorynyń bilim berý granttarynyń ıegeri atandy, dep habarlaıdy Almaty-akshamy.kz Baq.kz silteme jasap.
Qor oqý aqysy men shákirtaqyny tóleýge 9 mlrd teńgeden astam qarajat bóledi. Qordyń qaıyrymdylyq baǵdarlamasy bıyl alǵash ret 2022-2023 oqý jylynda júzege asyrylyp jatyr.
Grant bakalavrıat baǵdarlamalary boıynsha 1 mıllıon teńgege deıingi oqý qunyn óteıdi jáne oqýǵa túsý úshin UBT-nyń qajetti ótý balyn jınaǵan jáne memlekettik nemese ózge grant almaǵan talapkerlerge, sondaı-aq baıqaý sharttaryna sáıkes aqyly bólimderdiń stýdentterine beriledi.
Múgedektigi bar, jetim nemese kámeletke tolǵanǵa deıin ata-anasynyń qamqorlyǵynsyz qalǵan, aýyldyq jerlerde az qamtylǵan otbasylardan, múgedektigi bar balalardy tárbıelep otyrǵan otbasylar qatarynan, ata-anasy múgedek bolyp tabylatyn aýyldyq mektep túlekteri men aqyly bólimdegi stýdentter «Qazaqstan halqyna» QQ bilim berý granttary» baǵdarlamasy aıasynda 86 joǵary jáne joǵary oqý ornynan keıingi bilim berý uıymdarynda (JJOKBU) oqyp, stıpendıa alady. Grantty «óteýdiń» qajettiligi joq jáne shákirtaqy úlgerimge qaramastan tólenetin bolady.
Az qamtylǵan otbasylardyń, jetim balalar men múgedek balalardyń kópshiliginiń joǵary bilim alý úshin qarjylyq múmkindigi joq. Elimizde iske asyrylyp jatqan memlekettik baǵdarlamalar barlyq muqtaj jannyń qajettiligin óteı almaıdy. Sondyqtan «Qazaqstan halqyna» qory bilim berý granttary boıynsha qaıyrymdylyq baǵdarlamasyn iske qosyp, jastarǵa joldama berip otyr, – dep atap ótti «Qazaqstan halqyna» qorynyń basshysy Bolat Jámishev.
Grant ıegerleriniń biri – qostanaılyq Meıram Imanov. Estý qabileti boıynsha múgedek jigit A.Baıtursynov atyndaǵy Qostanaı óńirlik ýnıversıtetiniń dene shynyqtyrý bóliminiń birinshi kýrsynda oqıdy.
Bala kezimnen sportpen shuǵyldanamyn jáne árdaıym osy mamandyqqa túsýdi armandaıtynmyn. Ókinishke oraı, bıyl memlekettik grantqa túse almadym. Alaıda, Prezıdentimizdiń bastamasymen qurylǵan «Qazaqstan halqyna» qory maǵan tegin bilim alýǵa múmkindik berdi. Qazirgi ýaqytta men ústel tenısinen sport sheberimin jáne fýtboldan sport sheberine úmitkermin. Bolashaqta muǵalim atanyp, erekshelikteri bar balalardy oqytýdy kózdep otyrmyn. Oqý úrdisi óte unaıdy. Ýnıversıtet naǵyz maman ataný úshin sapaly bilim berýde. Memleket basshysyna jáne «Qazaqstan halqyna» qoryna múmkindik bergeni úshin, sondaı–aq oqý ornyna sapaly bilimi úshin alǵys aıtqym keledi, – deıdi Meıram Imanov.
Bilim berý granttaryn alý úshin aǵymdaǵy jylǵy talapkerlerden barlyǵy 740 ótinim kelip tústi, onyń ishinde 729 stýdentke grant taǵaıyndaldy. Bul rette baıqaýdy JJOKBU janynan qurylǵan komısıalar ótkizdi.
Aqyly bólimde oqyp jatqan stýdentter arasyndaǵy granttar baıqaýy Qordyń seriktesteri – «Taiburyl» QB jáne «Endaýment KAZGÚÝ» KQ platformasy arqyly 3 kezeńde ótti. Stýdentterden 6418 ótinim berildi. «Taıbýryl» QB jáne «Endaýment KAZGÚÝ» KQ konkýrstyq komısıalarynyń qorytyndysy boıynsha 1538 stýdent Qor grantyna ıe boldy. Igerilgen granttardyń jalpy sany – 2267 qurady. Grant alǵan stýdentterdiń tizimi Qordyń saıtynda jarıalandy. Nátıjesinde aldaǵy 4 jylǵa 2267 stýdentpen jáne 86 JJOKBU-men (6 jylǵa medısınalyq joǵary oqý oryndarymen) 9 mlrd teńgeden astam somaǵa shart jasaldy.