Óner salasyndaǵy tanymal tulǵalar men juldyzdar qazaq kúresinen ózara myqtyny anyqtaıdy
Ulystyń uly kúni «Habar» telearnasynda ulttyq óner dáripteledi, dep habarlaıdy Almaty-akshamy.kz «Habar 24»-ke silteme jasap.
Naqtyraq aıtsaq, erteń óner salasyndaǵy tanymal tulǵalar men juldyzdar qazaq kúresinen ózara myqtyny anyqtaıdy. Besinshi ret uıymdastyrylǵan básekege osy joly 20 balýan iriktelgen. Olar bes salmaq dárejesi boıynsha synǵa túsedi. Bıyl alǵash ret túıe balýandar anyqtalmaq. «Óner barysy» jobasy «Habar» arnasynda 22 naýryz kúni 13:00 de bastalady. Aıdana Aıtbaı, «Habar» telearnasynyń prodúseri: - Taǵy da bir ereksheligi, reseılik «Kamızákı» komandasynyń múshesi qatysady. Bas júldege ol kisi de talasady. Iaǵnı geografıalyq aýqymy keńidi dep aıtsaq bolady. Odan bólek, «Óner barysy» ózderińiz bilesizder, bes saǵat boıy tikeleı efırde kórermenin qýantyp, bul jerde otandyq óner juldyzdar da óner kórsetedi. Dál sol kúni «Habar» arnasyn qosyńyzdar.