Bul talap shetelde múlki bar adamdarǵa jáne basqa da keıbir sanatqa jatatyn azamattarǵa qatysty.
2025 jyly Qazaqstanda belgili bir sanattaǵy azamattar 250-forma boıynsha deklarasıany tapsyrýǵa mindetteledi, – dep habarlaıdy aqshamnews.kz
Bastapqy josparǵa sáıkes, 2025 jyly jalpyǵa birdeı deklarasıalaý barlyq eresek qazaqstandyqtardy, onyń ishinde stýdentter men zeınetkerlerdi qamtýy kerek edi. Biraq keıin bul jospar qaıta qaralyp, belgili bir azamattar deklarasıa tapsyrýdan bosatyldy. Degenmen keıbir toptarǵa bul talap kúshinde qalady.
Almaty qalasy Memlekettik kirister departamentiniń habarlaýynsha, 2025 jyly deklarasıa tapsyrýǵa mindetti azamattar qataryna kelesi sanattaǵylar jatady:
shetelde múlki bar Qazaqstan azamattary men rezıdentteri;
memlekettik jáne saılanbaly laýazymdarǵa kandıdattar;
bankterdiń, baǵaly qaǵazdar naryǵynyń nemese saqtandyrý uıymdarynyń iri qatysýshylary bolýǵa ótinish bergen tulǵalar;
jeke praktıkamen aınalysatyn tulǵalar (advokattar, notarıýstar, jeke sot oryndaýshylar jáne t.b.).
Qazaqstanda jáne shetelde 20 000 AEK-ten astam (2024 jyly bul shamamen 73 840 000 teńge) somada iri kólemdegi satyp alý jasaǵan azamattar.
Bul rette kez kelgen qazaqstandyq azamattyń deklarasıa tapsyrýǵa nıeti bolsa, qolma-qol aqshany (10 000 AEK-ke deıin) jáne basqa aktıvterdi azamattar óz erkimen de deklarasıalaı alady.
Sheteldegi múlikke keletin bolsaq, deklarasıalanýǵa tıis dúnıeler tizimi:
jyljymaıtyn múlik jáne kólik quraldary;
sheteldik kompanıalarǵa nemese turǵyn úı qurylysyna qatysý úlesi; shetel bankterindegi shottardaǵy qarajat, eger olardyń somasy 1000 AEK-ten assa;
baǵaly qaǵazdar, týyndy qarjy quraldary; deldaldyq shottardaǵy qarajattar; zıatkerlik menshik obektileri, avtorlyq quqyqtar; sıfrlyq aktıvter;
debıtorlyq/kredıtorlyq bereshek; ınvestısıa jáne baǵaly metaldar;
quny 1000 AEK-ten asatyn múlik: antıkvarıat, sándi zattar nemese basqa da qundy múlik.
Deklarasıaǵa 2024 jyldyń 31 jeltoqsanyna deıingi jaǵdaı boıynsha tıesili barlyq aktıvter men mindettemeler engizilýge tıis ekenin eskerińiz.