2025 jyldyń basynan beri 267,2 myń qazaqstandyq, onyń ishinde 45,2 myńǵa jýyq jumyssyz Skills Enbek onlaın-platformasynda oqýdan ótip, sertıfıkat aldy. Platformada qazirgi tańda 809,8 myń adam tirkelgen, olardyń 311,1 myńy bıyl qosylǵan. Jobanyń iske qosylǵanynan beri 678,1 myń adam bilim alǵan.
Jumyssyzdar qataryndaǵy 12,4 myńǵa jýyǵy Túrkistan, Qyzylorda, Qostanaı oblystary men Shymkent qalasynyń jastary.
Platforma iske qosylǵannan beri avtorlar 1 000-nan astam kýrs jarıalady, onyń 340-y tegin. Sondaı-aq Courstore, Fluent Education jáne Iandeks Qazaqstan seriktesteriniń kýrstary bar. Kýrstardyń uzaqtyǵy 1-den 72 saǵatqa deıin.
Shilde aıynda eń kóp suranysqa ıe bolǵan kýrstar qatarynda «Tvoı karernyı start: kak ıspolzovat “Elektronnýıý bırjý trýda”», «Kasır», «Strahovoı agent», «Professıonalnyı kýrs ındıvıdýalnogo pomoshnıka dlá soprovojdenıa lıs s trýdnostámı v peredvıjenıı» jáne «Postroenıe otdela prodaj v otele» bar.
Platformada SMART SKILLS, basqarý jáne basqa da salalar boıynsha tegin kýrstar sany artyp keledi. Joba halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan.
Oqý qarqynyn, tilin jáne materıaldy berý formatyn (mátin, beıne, aýdıo, ınfografıka) ár bilim alýshy ózi tańdaıdy. Kýrsty aıaqtaý úshin 70% nemese odan joǵary nátıjemen test tapsyryp, baǵalaý júrgizý qajet. Sertıfıkat Enbek.kz portalyndaǵy túıindemege avtomatty túrde qosylady jáne jumys berýshilerge kórinedi.
Avtorlar úshin kýrstardy tegin jarıalaý, sabaq qurastyrýshy, statısıka, sertıfıkat úlgileri jáne oqý qunyn esepteý kálkýlátory qoljetimdi. Platforma erekshe qajettilikteri bar adamdarǵa beıimdelgen.
2023 jyldyń jeltoqsanynan bastap kýrstardy Enbek mobıldi qosymshasy arqyly da ótýge bolady. Qosymshany Google Play nemese App Store-dan júkteýge bolady.
Tirkelý jáne jumys isteý boıynsha suraqtar úshin «ERDO» AQ qyzmetkerlerine 8 (7172) 95 43 17 (ishki 877, 888) nómiri arqyly habarlasýǵa bolady.