Almaty qalasyn 2025 jylǵa deıin jáne orta merzimdi perspektıvalardy 2030 jylǵa deıin damytý baǵdarlamasy Tujyrymdamasyna sáıkes, 2025 jylǵa deıin Almaty qalasynda qyzmetterdiń belgili bir keshenimen - kovorkıng jáne event-alańdarymen, balalarǵa arnalǵan tegin shyǵarmashylyq úıirmelermen, sheberlik saǵattary men tusaýkeserlerge arnalǵan alańdarmen, zamanaýı dárisqanasy bar medıatekasymen 3 kreatıvti hab qurý josparlanyp otyr, dep habarlaıdy Almaty-akshamy.kz.
Kreatıvti jáne IT ındýstrıanyń, eko jáne áleýmettik bastamalardyń, zamanaýı óner men ınovasıalyq-tehnologıa bıznesiniń sınergetıka ortalyǵy burynǵy tramvaı deposynyń bazasynda «Depo Art and Science Center» bolady. Tıisti sharalar engizildi.
Sondaı-aq, aldaǵy úsh jylda jalpy alańy 15 myń sharshy metrge deıin bolatyn, ári qaraı 2030 jylǵa qaraı 30 myń sharshy metrge deıin keńeıtý múmkindigimen Almaty Digital City IT-habyn qurý josparlanyp otyr. Ony qurýǵa negizinen keminde 10 mln. AQSH dollary somasynda jeke ınvestısıalar tartylatyn bolady. IT-hab qalanyń jańa tartymdy ortalyǵyna, IT damytý ortalyǵyna jáne ekojúıelerdiń startaptaryna aınalady, onda aınalymdy, satylymdy, ınvestısıalar tartýdy jáne eksport naryqtaryna shyǵýdy arttyrý úshin, qoldaý kórsetý jáne ınkýbasıa men akselerasıa baǵdarlamasy arqyly oqytý júzege asyrylatyn bolady.
IT-habta keminde 100 qazaqstandyq jáne sheteldik kompanıalar, onyń ishinde, «AstanaHub» qyzmet etýdiń halyqaralyq klassıfıkasıasy ádistemesi boıynsha jumys isteıtin startaptar ornalastyrylatyn bolady.
Kreatıvti jáne IT-habtar ashý ınovasıalardy damytý úshin ekojúıe qurýǵa, barlyq qatysýshylardyń bir jerde shoǵyrlanýynyń esebinen sınergetıkalyq áserge qol jetkizýge múmkindik beredi. Qosymsha retinde, kreatıvti ındýstrıany damytý úshin jeke ınvestısıalardy tarta otyryp, halyqaralyq deńgeıdegi beıne- jáne dybys jazýdyń eki stýdıasynyń qurylysy, 2030 jylǵa qaraı shamamen 5 myń baǵdarlamashylardy daıyndaý boıynsha TechOrda baǵdarlamasyn iske qosý, kıno, sahnalyq óner, mýzyka, sıfrlyq oıyn-saýyqtar, dızaın jáne sán salalaryndaǵy jobalardy qoldaýǵa 20 mlrd teńge bastapqy kapıtalymen qalalyq venchýrlyq qor qurý sekildi bastamalardy iske asyrý josparlanyp otyr. Budan basqa, 2025 jylǵy merzimge deıin Almatyda "Kreatıvti qala" jańa kraýdfandıngtik onlaın platformasyn engizý josparlanyp otyr, ol megapolıstiń kreatıvti qaýymdastyqtarynyń kúshterin barynsha biriktirýge múmkindik beredi.
Qoıylǵan mindetterdi iske asyrý kreatıvti jáne IT ındýstrıasyn jalpy óńirlik ónimdegi kreatıvti ındýstrıanyń salymyn 5%-ǵa deıin jetkize otyryp jáne kórsetiletin qyzmetter eksportyn 500 mln. AQSH dollaryna deıin arttyra otyryp, ekonomıkalyq mańyzy bar ındýstrıaǵa qaıta qurýǵa múmkindik beredi.
Anyqtama úshin:
2022 jylǵy 1 shildedegi málimet boıynsha,Almaty qalasynyń 20,4 myń komapanıasy kreatıvti ındýstrıanyń belsendi áreket etip júrgen sýbektileri bolyp tabylady. 2017 jyldan beri eń úlken ósimdi aqparattyq júıelerdi jobalaý jáne baǵdarlamalyq qamtamasyzdyqty ázirleý, veb-portaldar, mýzyka, kınoındýstrıa, jarnama, marketıń, bilim berý jáne mádenıet boıynsha qyzmetteri kórsetti.