2025 jylǵa deıin taǵy 1000 mektepti jańǵyrtýdan ótkizý josparlanýda. Aıta ketý kerek, bul bastama Memleket basshysynyń saılaýaldy baǵdarlamasy aıasynda júzege asyrylýda, dep habarlaıdy almaty-akshamy.kz.
Modernızasıa qala jáne aýyl mektepteri arasyndaǵy alshaqtyqty azaıtýǵa, sondaı-aq balalarǵa bilim men tárbıe berý úshin jaıly jaǵdaı jasaýǵa, materıaldyq-tehnıkalyq bazany kúsheıtýge baǵyttalǵan. Atap aıtqanda, ol mektepterge aǵymdaǵy jáne kúrdeli jóndeý jumystaryn júrgizý, pándik kabınetter satyp alý (hımıa, fızıka, bıologıa, STEM, robotehnıka jáne basqalary), mektep jıhazdaryn jańartý, asqana, kitaphana bólmelerin jańǵyrtý, sondaı-aq mektepte qaýipsizdik jaǵdaılaryn jaqsartýdy qamtıdy.
Osy rette 2024-2025 oqý jyly 712 mektepte aǵymdaǵy jáne kúrdeli jóndeý jumystary júrgiziledi, 532 mektepke 1000-ǵa jýyq pándik kabınet satyp alynady, 574 mektepte jıhaz jańartylady, 481 mektepte asqana, 757 mektepte kitaphana jańǵyrtylady. Bul jumystardyń nátıjesinde 366 myń oqýshy úshin bilim alý jaǵdaıy jaqsartylady dep kútilýde