2024 jyly İİM «baqylanatyn jetkizý» ádisin paıdalana otyryp, 21 is-shara ótkizdi.
Onyń ishinde 19 is-shara ishki, al eki is-shara syrtqy boldy, dep habarlaıdy aqshamnews.kz Polisia.kz-ke silteme jasap.
Nátıjesinde esirtki jetkizýdiń 94 ishki arnasy anyqtaldy, onyń 55-i sıntetıkalyq zattarmen baılanysty. 137 keliden astam sıntetıkalyq esirtki jáne eki tonna prekýrsor tárkilendi.
– Bul baǵytta halyqaralyq yntymaqtastyq mańyzǵa ıe. Qyrǵyz Respýblıkasynyń İİM-men birlesip, Jambyl oblysynda eki syrtqy operasıa júrgizildi, bul eki transulttyq esirtki kanalynyń jolyn kesýge múmkindik berdi. 16 keliden astam gashısh tárkilendi. Bul baǵyttaǵy jumys jalǵasýda, – dedi İİM esirtki qylmysyna qarsy is-qımyl komıteti tóraǵasynyń orynbasary Danıar Meıirhan.
Ótken jyly barlyǵy segiz myńǵa jýyq esirtki quqyq buzýshylyǵy anyqtaldy, onyń ishinde 3 430-y qylmys. Qylmystyq top qurý jáne ony basqarý boıynsha 13 qylmystyq is qozǵaldy. Esirtki zattaryn tutyný úshin prıton uıymdastyrý jáne ustaý boıynsha jeti derek anyqtaldy. 21 tonnadan astam esirtki zattary tárkilendi, onyń ishinde 547 kg sıntetıka, 2,5 kg geroın, 10 tonnadan astam marıhýana, 572 kg gashısh. 63 esirtki zerthanasy joıyldy. Esirtki taratýǵa qatysty aqparatty qamtıtyn 7400 ınternet-resýrs anyqtaldy.