Almatydaǵy «Kamenskoe plato» shaǵyn aýdan turǵyndaryn sýmen qamtamasyz etýdiń kópjyldyq problemasy 2023 jyldyń sońyna deıin sheshiledi
2023 jyly Almatyda 231 shaqyrym sýmen jabdyqtaý, sý burý jáne jylýmen jabdyqtaý jelileri salynyp, jańǵyrtyldy. 13 káriz sorǵy stansıasy salyndy. Eki qazandyqty rekonstrýksıalaý arqasynda «Iýjnaıa» qazandyǵynyń qýaty 1,5 esege jáne «Premera» qazandyǵynyń qýaty 2 esege ulǵaıdy. Bul týraly OKQ brıfıńinde Almaty ákimi Erbolat Dosaev málimdedi.
«Jaıly qalalyq ortany qalyptastyrýdyń mańyzdy bóligi- qala turǵyndaryn sapaly komýnaldyq qyzmetterge qoljetimdi etý. Júrgizilgen jumystardyń arqasynda 2023 jyly sýmen jabdyqtaý jelileriniń tozýy 2022 jylǵy 55,7% - dan 54,3% - ǵa deıin tómendedi», - dep atap ótti ol.
Almaty ákiminiń aıtýynsha, bıylǵy jazda aptap ystyqtan Medeý aýdanynyń joǵarǵy bóliginde sýmen qamtamasyz etý boıynsha eleýli problemalar anyqtaldy. Shilde aıynda Medeý aýdanynda sý tapshylyǵy táýligine 20 myń m3 qurady.
«Sý tapshylyǵyn joıý úshin qýaty táýligine 32 myń m 3 bolatyn sýmen jabdyqtaýdyń rezervtik syzbasy jasalyp, 2024 jyldyń maýsym aıynda aıaqtalady. Sýdyń negizgi kózderi - Talǵardaǵy jer asty sýlary. Sorǵy stansıalarynyń qýatyn 60% - ǵa arttyra otyryp, 6 jańa skvajına b jasaldy. Al 2023 jyldyń sońyna deıin «Kamenskoe plato» shaǵyn aýdanynyń turǵyndaryn sýmen jabdyqtaýdyń kópjyldyq máselesi 7 sý qoımasyn, onyń ishinde 6,9 myń m 3-ke 5 rezervýar salý arqyly sheshiletin bolady», - dedi Erbolat Dosaev.