Sonymen qatar jolaýshylarǵa «Aýyzashar qorjyndary», áleýmettik az qamtylǵan otbasylarǵa «Ramazan qorjyndary» taratylýda.
QMDB bekitken jumystyń negizgi bir baǵyty retinde Ramazan aıynda «Aýyzashar» aksıasy uıymdastyrylyp keledi, dep habarlaıdy Almaty-akshamy.kz dinı basqarmanyń baspasóz qyzmetine silteme jasap.
Atalmysh aksıa aıasynda «Ýaqyp» qory men «Zeket jáne qaıyrymdylyq» qory, sondaı-aq, QMDB-ǵa qarasty «Qaıyrymdylyq mekemelerdiń» uıymdastyrýymen meshit jamaǵatyna, medrese, qaıyrymdylyq mekemelerdiń shákirtterine, stýdentterge, qazynaly qarttarǵa, kópbalaly otbasylarǵa, múmkindigi shekteýli jandarǵa aýyzashar berilýde. Sonymen qatar, respýblıka boıynsha ókildikterdiń uıymdastyrýymen jolaýshylarǵa «Aýyzashar qorjyndary», áleýmettik az qamtylǵan otbasylarǵa «Ramazan qorjyndary» taratylýda.
Ramazan aıynyń alǵashqy 10 kúninde 216 764 adamǵa berilgen bolsa, ortańǵy 10 kúninde 342 309 myń adamǵa, al jalpy 20 kún ishinde 559 073 adamǵa aýyzashar berildi.
«Alla elshisi (Allanyń salaýaty men sálemi bolsyn): «Oraza ustaýshyny tamaqtandyrǵan oraza ustaǵannyń saýabyn alady. Ári oraza ustaýshynyń saýaby kemitilmeıdi» deıdi. Alla Taǵala Paıǵambar ósıetine amal etip, aýyzashar uıymdastyrǵan, oǵan úles qosqan árbir jomart janǵa Alla elshisi súıinshilegendeı oraza tutýshynyń saýabyn, násip etsin!» - dep jazdy dinı basqarmanyń saıty.