Eldiń barlyq aýmaǵynda kún raıy ashyq bolady
Qazgıdromet 14 qazanǵa arnalǵan aýa raıy boljamyn jarıalaıdy, dep habarlaıdy Almaty-akshamy.kz QazAqparatqa silteme jasap.
Beısenbide elimizdiń barlyq aýmaǵynda aýqymdy antısıklonnyń áserinen kún ashyq bolady.
Respýblıkanyń batysynda, ońtústiginde, ońtústik-shyǵysynda jáne shyǵysynda jeldiń kúsheıýi, ońtústiginde jáne batysynda shańdy daýyl, soltústiginde, shyǵysynda, ońtústik-shyǵysynda tuman kútiledi.
Jambyl oblysynda taýly jáne taý bókterinde tuman túsedi, óńirdiń ońtústik-batysynda, soltústik-shyǵysynda jáne taýly aýdandarda jel 15-20, ekpini 23-28 m/s kúsheıedi.
Almaty oblysynyń Alakól aýdanynda jeldiń jyldamdyǵy 18-23 m/s jetedi. Qyzylorda oblysynyń shyǵysynda, Mańǵystaý oblysynyń soltústik – batysynda, soltústik-shyǵysynda, Atyraý oblysynyń ońtústiginde shańdy daýyl turýy yqtımal, jel 15-20 m/s kúsheıedi.
Túrkistan oblysynyń taýly aýdandarynda, kúndiz Aqtóbe oblysynyń Muǵaljar aýdanynda, Shyǵys Qazaqstan oblysynyń ońtústik-batysynda jel kúsheıip, ekpini 15-20 m/s jetedi.
Soltústik Qazaqstan oblysynyń soltústiginde, batysynda, soltústik-shyǵysynda, Shyǵys Qazaqstan oblysynyń ońtústiginde, Qostanaı oblysynyń soltústiginde, túnde jáne tańerteń Aqmola oblysynyń soltústiginde, túnde Pavlodar oblysynyń ońtústiginde tuman túsedi.