Almatyda moped pen samokat júrgizýshileri bir táýlik ishinde 115 tártip buzýshylyq jasaǵan, – dep habarlaıdy almaty-akshamy.kz Polisia.kz-ke silteme jasap.
Jergilikti polısıa qyzmetiniń patrúldik jáne ıývenaldy polısıa qyzmetkerleri arnaıy reıd júrgizdi.
– Jolaýshylardy tasymaldaý erejeleriniń talaptaryn, jol qıylystarynan ótý erejelerin, qorǵanys quraldaryn mindetti paıdalaný talaptaryn elemeı, jol qozǵalysy erejelerin buzǵany úshin 115 adam ákimshilik jaýapkershilikke tartyldy, onyń ishinde 47- i samokat paıdalanýshylary, 68-i mopedıst. Kámeletke tolmaǵandardyń mıkromobıl kóligin paıdalanýyna erekshe nazar aýdaryldy. Balalaryna samokat pen moped minýge ruqsat bergen segiz ata-ana jaýapqa tartyldy. Keıbir jaǵdaılarda balalar mektepke osy kólikpen kelgen, bul jalpy zań men qaýipsizdik normalaryna qaıshy keledi, – dedi Almaty qalalyq PD jergilikti polısıa qyzmeti basqarmasynyń bastyǵy Erjan Uzabaev.
Buryn habarlanǵandaı, jyl basynan beri samokattardyń qatysýymen 25 jol-kólik oqıǵasy tirkelip, 2 adam qaza taýyp, 27 adam jaraqat alǵan. Al mopedterdiń qatysýymen 292 jol-kólik oqıǵasy tirkelip, nátıjesinde 14 adam qaza tapty, byltyr eki adam qaıtys boldy.