İshki ister mınıstri Erlan Turǵymbaev eldegi reseılik kólik ıeleriniń narazylyǵyna jaýap berdi dep habarlaıdy almaty-akshamy.kz
Búgingi kúni reseılik kólikter kólik turaǵyna qoıylǵan.
Qazaqstanda 80 myńǵa jýyq reseılik kólik bar. Bul kóliktiń barlyǵy Reseıden tirkeýden shyqqan. Al bizdiń azamattar osy avtokólikterdi satyp alǵan. Endi ony satyp alǵannan keıin Qazaqstannyń zańy boıynsha avtokólikterdi azamat 10 kúnniń ishinde óz atyna tirkeýi kerek. Biraq bul kólikter Reseıden tirkeýden shyqsa da, Qazaqstanda tirkelmegen, – dep aıtty mınıstr.
Onyń sózinshe, bul kólikter eshqandaı kamerada da, esepte de joq.
Búgingi tańda 1 myńǵa jýyq osy kólikterdiń (reseılik – red.) qatysýymen jol-kólik oqıǵasy bolǵan. 250 adam qaıtys boldy, 1,5 myń adam jaraqat boldy, – dep aıtty Turǵymbaev.
İİM basshysynyń sózinshe, el azamattary reseılik kólikterin óz attaryna tirkese másele sheshiledi.
Bul tehnıkalyq tekseristen ótý úshin qajet shara. Búgingi kúni eldegi reseılik 80 myń kóliktiń bireýi de Qazaqstan terıtorıasynda tehnıkalyq tekserýden ótpegen. Tehnıkalyq jaǵdaıy jaıynda eshkim bilmeıdi. Sondyqtan qazirgi kúni aldyn alý sharalary júrgizilip, azamattarǵa túsindirý jumystary júrgizilip jatyr, – dep túsindirdi vedomstvo basshysy Májilistiń kýlýarynda.