40 мың адамның ішінде 1 рет кездесетін патология
Алматы қаласының № 7 қалалық клиникалық ауруханасына Түркістан облысынан «Пресакральды жылауық» (тік ішек маңындағы ісік) диагнозы қойылған 21 жастағы науқас келді. № 7 қалалық клиникалық аурухананың колопроктология бөлімінің меңгерушісі Марат Қаленбаевтың айтуынша, жылауықтың ерекшелігі оның өте үлкен көлемінде болды – шамамен 18-ден 16 см-ге дейінгі дөңгелек пішінде, кіші жамбас аумағында орналасқан. Жылауықтың өсуі байқалмағандықтан, ол табиғи жолмен ішті босатуға кедергі келтірген, ал жас қыз тік ішек маңындағы тұрақты қолайсыздықтан зардап шегіп келген.
Кіші жамбас жылауығы – бұл сирек кездесетін патология, ол діңшек пен тік ішек арасында орналасқан аномальды қуыс немесе қалта. Мұндай жағдай 40 мың адамның ішінде 1 рет кездеседі. Әдетте, жылауықтар МРТ немесе кіші жамбас ағзаларының УДЗ кезінде 2 см шамасында анықталады, ал бұл жағдайда көлемі айтарлықтай үлкен болды», – деді тәжірибелі хирург-колопроктолог Марат Қаленбаев.
Хирургтар жылауықты алып тастау үшін күрделі операция жасады. Құйымшақ байламын алып тастаумен жүргізілген операция сәтті аяқталды. Бір ғана операция арқылы жылауықты толықтай алып тастап, науқасты емдеуге мүмкіндік туды. Бұл операцияны жоғары білікті хирург-проктологтар, анестезиолог-реаниматологтар және тәжірибелі операциялық мейірбикелердің кәсіби шеберлігі мен біліктілігінің арқасында сәтті өткізілді. Операцияның техникалық күрделілігіне және тік ішек айналасындағы май қабатының іріңдеуге бейімділігіне қарамастан, асқынулардың алдын алынды. Айта кету керек, бұл операция міндетті әлеуметтік медициналық сақтандыру аясында жасалды.
Қазіргі уақытта пациент ауруханадан шығуға дайындалуда. Дәрігерлер халықты медициналық көмекке уақтылы жүгінуге шақырады, себебі хирургиялық емдеу болмаған жағдайда, параректальды талшықтың іріңдеуі, тік ішек жыланкөзі, зәр шығару және дефекация функцияларының бұзылуы сияқты қауіпті асқынулар пайда болуы мүмкін. Аурудың ұзақ уақыт емделмеуі невралгия, неврит және анемия сияқты аурулардың дамуына әкелуі мүмкін.