20 ءساۋىر مەن 20 ماۋسىم ارالىعىندا رەسپۋبليكا كولەمىندە "زورلىق-زومبىلىقسىز قازاقستان" اتتى كەڭ اۋقىمدى چەللەندج-فلەشموب تۇرىندەگى اكسيا ءوتىپ جاتىر، - دەپ حابارلايدى aqshamnews.kz.
ونىڭ ماقساتى – قوعام نازارىن وتباسىلىق-تۇرمىستىق زورلىق-زومبىلىق ماسەلەسىنە اۋدارۋ، وتباسىنداعى ءوزارا سىيلاستىق پەن قولداۋدى ناسيحاتتاۋ جانە ىشكى ىستەر ورگاندارىنا دەگەن قوعامدىق سەنىمدى نىعايتۋ.
زورلىق-زومبىلىقسىز قازاقستان — بۇكىل ەلدى قامتيتىن اكسيا.
وسى باستاما اياسىندا تۇركسىب اۋدانى پوليسيا باسقارماسىنىڭ تۇرمىستىق زورلىق-زومبىلىققا قارسى بولىمشەسىنىڭ ينسپەكتورلارى “جان-سايا” جانە “ماكسات” داعدارىس ورتالىقتارىنا باردى.
پوليسيا قىزمەتكەرلەرى ورتالىقتا قىزمەت الۋشىلارمەن كەزدەسۋ وتكىزىپ، قاجەت بولعان جاعدايدا كومەككە جۇگىنۋ مۇمكىندىگى تۋرالى ەسكە سالدى، سونىمەن قاتار ۋاقىتىلى ارەكەت ەتۋدىڭ جانە قولداۋدىڭ ماڭىزدىلىعىن اتاپ ءوتتى.
جەرگىلىكتى پوليسيا قىزمەتى ءبولىمىنىڭ باسشىلىعى اتىنان انالار مەن بالالارعا جەمىستەر، تاتتىلەر جانە باسقا دا سىيلىقتار تابىستالدى.