ولارعا ءتيىستى شارالار قابىلداندى.
ءبىرىنشى جارتىجىلدىقتا كولىكتەگى پوليسيا دەپارتامەنتىنىڭ قىزمەتكەرلەرى ق ر كوشى-قون زاڭناماسىن بۇزعانى ءۇشىن 1483 شەتەلدىكتى اكىمشىلىك جاۋاپكەرشىلىككە تارتتى، ونىڭ ىشىندە سوت شەشىمى بويىنشا 484 شەتەلدىك ازامات ەلدەن شىعارىلدى، دەپ حابارلايدى Almaty-akshamy.kz
تۇركىستان قالاسى اۋەجايىنداعى جەلىلىك پوليسيا بولىمشەسىنىڭ كوشى-قون قىزمەتىنىڭ قىزمەتكەرلەرى ق ر ۇقك-نىڭ شەكارا قىزمەتىمەن بىرلەسىپ، تۇركىستان – ستامبۇل باعىتىنداعى اۋە رەيسىنە تىركەلۋ كەزىندە قازاقستان رەسپۋبليكاسىنىڭ ازاماتتىعى تۋرالى زاڭناماسىن بۇزعان ەرلى-زايىپتىلار انىقتالدى. ولار 54 جانە 45 جاستاعى اقش ازاماتتارى بولىپ شىقتى.
كولىك پوليسەيلەرى قۇقىق بۇزۋشىلارعا قاتىستى قازاقستان رەسپۋبليكاسىنىڭ زاڭناماسىندا بەلگىلەنگەن مەرزىمدە شەتەل ازاماتتىعىن الۋ فاكتىسىن حابارلاماعانى ءۇشىن اكىمشىلىك حاتتاما تولتىرىپ، ماتەريالدى تۇركىستان وبلىسىنىڭ مامانداندىرىلعان اكىمشىلىك سوتىنا جولدادى.
سوت شەشىمى بويىنشا شەتەل ازاماتتارى 200 اەك (738 400 تەڭگە) مولشەرىندە اكىمشىلىك ايىپپۇل تۇرىندە اكىمشىلىك جاۋاپكەرشىلىككە تارتىلدى.