افريكا قۇرلىعىنىڭ وڭتۇستىك بولىگىندە ورىن تەپكەن زيمبابۆە بيلىگى ۇزاققا سوزىلعان قۇرعاقشىلىقتان پايدا بولعان ازىق-تۇلىك تاپشىلىعىنا جانە ەلدە اشارشىلىق قاتەرىنە بايلانىستى وسىنداي شەشىم قابىلدادى، دەپ حابارلايدى aqshamnews.kz.
بۇل جايىندا islam.kz پورتالى بريتانيالىق The Guardian مەرزىمدى باسىلىمىنا سىلتەمە جاساي وتىرىپ ءمالىم ەتەدى. تاياۋدا ناميبيادا دا وسىعان ۇقساس جاعداي ورىن العان بولاتىن.
«ناميبيا 700-دەن استام جابايى جانۋاردى سويىپ، ەتىن ازىق-تۇلىك تاپشىلىعىنان زارداپ شەككەن ادامدارعا تاراتۋدى جوسپارلاپ وتىر، ويتكەنى، افريكا قۇرلىعىنىڭ وڭتۇستىك-باتىسىندا ورىن تەپكەن ەل 100 جىلداعى ەڭ قاتتى قۇرعاقشىلىقپەن بەتپە-بەت كەلىپ وتىر. دالىرەگى، 83 ءپىل، 30 سۋسيىر، 60 ەنەكە، 50 قاراقۇيرىق، 100 كوگىلدىر گنۋ ەلىگى جانە 300 زەبرا سويىلاتىن بولدى. ناميبيا مامىر ايىندا قۇرعاقشىلىقتىڭ اۋىر سالدارىنا بايلانىستى توتەنشە جاعداي جاريالاعان. شامامەن 1،4 ميلليون ادام - ەل حالقىنىڭ جارتىسىنا جۋىعى - ازىق-تۇلىكپەن جەتكىلىكتى دەڭگەيدە قامتاماسىز ەتىلمەگەن». «ءبىز ZimParks جانە كەيبىر قاۋىمداستىقتارمەن پىلدەردى سويىپ، ايەلدەردى ەتتى كەپتىرۋگە، ونى وراپ، اقۋىزعا مۇقتاج جاندارعا جەتكىزۋگە جۇمىلدىراتىن جولداردى قاراستىرىپ، ناميبيا بارعان قادامدى جۇزەگە اسىرۋ مۇمكىندىگىن تالقىلاپ جاتىرمىز». ، - دەپ مالىمدەدى زيمبابۆەنىڭ قورشاعان ورتانى قورعاۋ ءمينيسترى سيتەمبيسو نيوني.
زيمبابۆەدە مۇنداي شارا سوڭعى رەت 1988 جىلى قولدانىلعانىن دا اتاپ وتكەن ءجون. سوڭعى جىلدارى ءپىل پوپۋلياسياسىن جويىلۋدان قۇتقارۋ ساياساتىنىڭ ناتيجەسىندە حۋانگە قورىعىندا الىپ جانۋارلار سانى قورىقتىڭ الەۋەتىنە شاققاندا ءتورت ەسەگە ارتقان.