الماتى قالاسى اۋماعىندا كامەلەتكە تولماعاندار اراسىنداعى قىلمىستىڭ الدىن الۋ جانە ونى بولدىرماۋ ماقساتىندا وسى جىلدىڭ 17-19 قىركۇيەگى ارالىعىندا مۇددەلى مەملەكەتتىك ورگانداردىڭ، ۇكىمەتتىك ەمەس ۇيىمداردىڭ، جۇرتشىلىقتىڭ جانە بۇقارالىق اقپارات قۇرالدارىنىڭ وكىلدەرىن تارتۋ ارقىلى «ءجاسوسپىرىم» جەدەل الدىن الۋ ءىس-شاراسى وتەدى.
– ءىس-شارانىڭ باستى ماقساتى – جاسوسپىرىمدەر اراسىنداعى قىلمىستىڭ الدىن الۋ جانە ونى بولدىرماۋ، ءبىلىم بەرۋ ۇيىمدارىنىڭ وقۋشىلارى اراسىنداعى قۇقىق بۇزۋشىلىقتاردى بولدىرماۋ، كامەلەتكە تولماعانداردىڭ قۇقىقتارىن قورعاۋ سالاسىنداعى اكىمشىلىك قۇقىق بۇزۋشىلىقتاردى انىقتاۋ، ولاردىڭ قۇقىقتىق ساۋاتتىلىعىن ارتتىرۋ، سونداي-اق بالالارعا قاتىستى قىلمىستىق قول سۇعۋشىلىقتاردىڭ الدىن الۋ، – دەپ اتاپ ءوتتى الماتى قالالىق پد جەرگىلىكتى پوليسيا قىزمەتى باسقارماسىنىڭ باسشىسى سەرىك شۋمايەۆ.
سونىمەن قاتار، ءىس-شارا بارىسىندا پوليسيا قىزمەتكەرلەرى كامەلەتكە تولماعاندار اراسىنداعى قۇقىق بۇزۋشىلىق پەن باقىلاۋسىزدىقتىڭ الدىن الۋعا، كامەلەتكە تولماعانداردىڭ تۇنگى ۋاقىتتا زاڭدى وكىلدەرىنىڭ ەرىپ ءجۇرۋىنسىز ويىن-ساۋىق مەكەمەلەرىندە جانە ۇيلەرىنەن تىس جەردە بولۋىنا، كامەلەتكە تولماعاندارعا الكوگولدىك جانە تەمەكى ونىمدەرىن ساتۋ دەرەكتەرىن، سونداي-اق ولاردى قوعامعا جات ارەكەتتەرگە تارتاتىن ەرەسەكتەردى انىقتاۋعا باسا نازار اۋدارادى.