الماتىدا اۆتورلىق قۇقىق پەن زياتكەرلىك مەنشىكتى قورعاۋ جونىندە دوڭگەلەك ءۇستەل ءوءتتى
الماتىدا De Monfort University Kazakhstan الاڭىندا، الماتى قالاسى كاسىپكەرلىك جانە ينۆەستيسيالار باسقارماسىنىڭ قولداۋىمەن، شىعارماشىلىق باستامالار جانە مادەني مۇرا قوعامدىق قورى جانە «AUDOO.QZ» ج ش س بىرلەسىپ، «زياتكەرلىك مەنشىك – شىعارماشىلىق ەكونوميكانىڭ نەگىزى. IP جوق – ەكونوميكا جوق» تاقىرىبىندا دوڭگەلەك ۇستەل وتكىزدى.
دوڭگەلەك ۇستەل باعدارلاماسى زياتكەرلىك قۇقىقتاردى قورعاۋدىڭ، جاساندى ينتەللەكت پەن بلوكچەين تەحنولوگيالارىن قولدانۋدىڭ، سونداي-اق وسى سالاداعى ءبىلىم بەرۋدىڭ ءتۇرلى نەگىزدەرىن تالقىلاۋدى قامتىدى.
دوڭگەلەك ۇستەلدىڭ سۇحبات الاڭى الماتى قالاسىنىڭ شىعارماشىلىق ەكونوميكاسى ءتۇرلى سالالارىنىڭ ساراپشىلارىن بىرىكتىردى. ونىڭ ىشىندە، ز. روزمات، ە. بەدەلحان، پ. كوكتىشيەۆ، ا. جانسەرىكوۆا، ب. قالداياقوۆا، ا. حاليموۆ جانە باسقا دا ساراپشىلار قاتىستى.
الماتى قالاسى كاسىپكەرلىك جانە ينۆەستيسيالار باسقارماسىنىڭ باسشىسى الىشەر ساتىبالدييەۆ جانە قازاقستان رەسپۋبليكاسى پارلامەنتى سەناتىنىڭ دەپۋتاتى جاننا اسانوۆا، سونداي-اق مۇددەلى مەملەكەتتىك ورگان وكىلدەرى سيفرلاندىرۋ داۋىرىندەگى نەگىزگى ۇردىستەر مەن الماتىداعى شىعارماشىلىق يندۋستريانى دامىتۋ ماسەلەلەرىن تالقىلادى. سونىمەن قاتار، اۆتورلىق جانە ساباقتاس قۇقىقتاردى قورعاۋ بويىنشا اتقارىلعان جۇمىستار تۋرالى مالىمدەدى.
"ءبىزدىڭ مىندەتىمىز – شىعارماشىلىق جەتىستىكتەردى قورعاۋ عانا ەمەس، سونىمەن قاتار ولاردىڭ الەمدىك ارەناعا ءساتتى ەنۋى ءۇشىن جاعداي جاساۋ. بۇل ءۇشىن قۇقىقتىق رەتتەۋدىڭ زاماناۋي تاسىلدەرى، يننوۆاسيالىق ءبىلىم بەرۋدىڭ باعدارلامالارى جانە جاھاندىق سەرىكتەستەردىڭ ءوزارا بەلسەندى ارەكەتتەسۋى قاجەت. تەك وسىلاي عانا ءبىز شىعارماشىلىق يندۋستريانىڭ تۇراقتى دامۋىن قامتاماسىز ەتە الامىز. شىعارماشىلىق باستامالار جانە مادەني مۇرا قوعامدىق قورىمەن بىرلەسىپ، زياتكەرلىك مەنشىكتى سيفرلىق قورعاۋ سالاسىنداعى ءبىلىمدى تەرەڭدەتۋ ءۇشىن ءبىلىم بەرۋ باعدارلامالارى مەن ترەنينگتەر ەنگىزۋدى جوسپارلاپ وتىرمىز"، – دەدى الىشەر ساتىبالدييەۆ.
دوڭگەلەك ۇستەل بارىسىندا «AUDOO.QZ» قازاقستاندىق كومپانياسى قىزمەتتەرىنىڭ تۇساۋكەسەرى ءوتتى. بۇل كومپانيا شىعارماشىلىق قۇقىقتاردى تىركەۋ، قاۋىپسىزدىك، قورعاۋ جانە مونەتيزاسيالاۋ شەشىمدەرى، سونداي-اق شىعارماشىلىق ەكونوميكا جونىندەگى ءبىلىم بەرۋ رەسۋرستارىن ۇسىنادى.
«جەڭىمپاز – ول ادامي دانىشپاندىقپەن ويلاپ تابىلعان جاڭا يدەيالار مەن ازىرلەمەلەردى ەنگىزىپ، ەكونوميكانى زاماناۋي تەحنولوگيالىق دەڭگەيگە شىعاراتىن ادام. تۇتاستاي العاندا، IP جانە ماتەريالدىق ەمەس اكتيۆتەر سالاسى مەملەكەتتىك ەكونوميكالىق باعدارلامالار مەن حالىقارالىق ينۆەستيسيالىق بيزنەس ءۇشىن باسىمدىققا اينالدى، ويتكەنى ول بارىنشا پايدا الۋعا جانە بۇرىن-سوڭدى بولماعان الەۋمەتتىك اسەردى قامتاماسىز ەتۋگە مۇمكىندىك بەرەدى. S&P 500 يندەكسىنە سايكەس، 2020 جىلدىڭ وزىندە كومپانيالاردىڭ جالپى نارىقتىق قۇنىنداعى ماتەريالدىق ەمەس اكتيۆتەردىڭ ۇلەسى 90%-دى قۇرادى. الەمدىك تاجىريبە IP مونەتيزاسياسىنىڭ ۇلتتىق تۇجىرىمداماسىنسىز كرەاتيۆتى ەكونوميكانىڭ بولمايتىنىن راستايدى»، – دەپ اتاپ ءوتتى «AUDOO.QZ» باس ديرەكتورى ەلنورا ايتقالييەۆا.
سوڭعى جىلدارى الماتى كرەاتيۆتى يندۋستريانىڭ ورتالىعىنا اينالىپ وتىر. بۇل سالا كاسىپكەرلەر مەن تالانتتى جاستاردى كوبىرەك تارتىپ، اۆتورلىق قۇقىق پەن زياتكەرلىك مەنشىكتى قورعاۋ سالاسىندا ساپالى ءبىلىم بەرۋدى قاجەت ەتەدى.
دوڭگەلەك ۇستەل بارىسىندا قاتىسۋشىلار مەگاپوليستىڭ جاسامپاز ەكونوميكاسىنىڭ ءوسۋى مەن وركەندەۋىنە تەك بىرلەسكەن كۇش-جىگەر ارقىلى عانا قولايلى جاعداي جاساۋعا بولاتىنى تۋرالى ورتاق پىكىرگە كەلدى. جاڭا تەحنولوگيالاردى ەنگىزۋگە جانە يننوۆاسيالار مادەنيەتىن دامىتۋعا بەلسەندى كوزقاراس قازاقستانعا جاھاندىق يننوۆاسيالىق ارەنادا نەگىزگى ورىنداردى يەلەنۋگە مۇمكىندىك بەرەدى.