ءامىر 6 جاسىنا دەيىن تەك قانا قازاقشا سويلەگەن.
ءامىر كارىم ورىس-اعىلشىن تىلدەرى وقىتىلاتىن مەكتەپتە ءبىلىم العان، ال باسقا تىلدەردى قارىم-قاتىناس بارىسىندا مەڭگەرگەن، دەپ حابارلايدى aqshamnews.kz Otyrar.kz-كە سىلتەمە جاساپ.
4 ءتىلدى جارتى جىلدا مەڭگەرگەن، 7 تىلدە ەركىن سويلەيتىن شىمكەنتتىك پوليگلوت بۇل ءالى مۇمكىندىگىنىڭ شەگى ەمەس ەكەنىن جانە جاقىن ارادا ءوز رەكوردىن جاڭارتاتىنىن ايتادى. ەمير 6 جاسقا دەيىن تەك قازاقشا سويلەگەن. مەكتەپتە ورىس، اعىلشىن تىلدەرىن جەتىك مەڭگەرگەن. بۇگىندە پوليگلوت يسپان، كورەي، فرانسۋز جانە لاتىن تىلدەرىندە سويلەي الادى. ول بۇل تىلدەردى جارتى جىلدىڭ ىشىندە يگەرگەن.
"ءبىرىنشى سىنىپتا جۇرگەندە-اق اتا-انام تىلدەردىڭ مەن ءۇشىن وڭاي ەكەنىن ءتۇسىندى. ءسويتىپ مەن كوپتەگەن ءتىلدى ۇيرەنە باستادىم. يسپان ءتىلىن 5-6 ايدا، فرانسۋز ءتىلىن 7 ايدا ۇيرەندىم جانە يسپانياعا ساپارىمنىڭ الدىندا قالعان تىلدەردى دە مەڭگەردىم. ولاردى زەرتتەۋگە كوبىرەك ۋاقىت قاجەت بولدى"، - دەيدى پوليگلوت.
وقۋدا عانا ەمەس، سپورتتا دا جەتىستىككە جەتىپ جۇرگەن ءامىر 10 جاسىنان باستاپ فۋتبول وينايدى. ءتىپتى شەتەلدە، يسپانيادا جۇرگەندە ول "تورريەۆەحا" فۋتبول كلۋبىندا جاتتىققان. ءقازىر ءامىر "ورداباسى" جاستار اكادەمياسىنىڭ نەگىزگى ويىنشىسى. ول ءتىل ءبىلۋدىڭ اكەلەتىن باستى پايداسى – ساياحاتتاعى شەكتەۋلەردى الىپ تاستاۋ دەيدى.
"يسپانيادا ءبىز چەمپيون اتاندىق. ودان كەيىن بىلتىر شىمكەنتتىك "ورداباسى" كومانداسىمەن "ارمان كۋبوگىن" جەڭىپ الدىق. ءقازىر جاڭا ورداباسى ليگاسىمەن جاڭا جوبامەن ەكىنشى ورىندامىز، الدىمىزدا "قايرات". ءبىز چەمپيوندىق اتاققا ۇمىتتەنەمىز. وسى جىلى كوماندامەن تۇركياعا بارعانىمدا شەت ءتىلىن ءبىلۋىم تاعى دا كومەكتەستى"، - دەيدى ءامىر.
بىرنەشە ءتىلدى ەركىن مەڭگەرگەن ءامىر ۋنيۆەرسيتەتتە مەنەدجمەنت سالاسى بويىنشا وقيدى. كوپبالالى وتباسىندا وسكەن ءامىردىڭ قارىنداستارى دا ءتىل ۇيرەنۋگە تىرىسىپ ءجۇر، ولار ءقازىردىڭ وزىندە ءۇش-تورت تىلدە سويلەيدى.