زياندى تاعامدارعا سالىق سالۋ ۇسىنىسى ەنگىزىلدى

ماجىلىسمەن ەلىمىزدە جيدەكتەر مەن ساڭىراۋقۇلاقتاردى جيناۋعا سالىق سالۋ باستاماسىن سىنعا الدى، دەپ حابارلايدى Almaty-akshamy.kz 

«ەلدە بارلىق ماڭىزدى ىستەر مەن مىندەتتەر ورىندالىپ، تەك ساڭىراۋقۇلاقتار مەن جيدەكتەر ماسەلەسى قالعانداي. جيدەكتەر مەن ساڭىراۋقۇلاقتاردى جيناۋ ءاردايىم ماۋسىمدىق ءىس بولىپ تابىلادى جانە مۇنىمەن اتا-اجەلەر، ولارمەن بىرگە نەمەرەلەرى، ياعني ادەتتە 6-دان 60 جاسقا دەيىنگىلەر اينالىسادى. سولاردان سالىق جيناماقسىزدار ما؟ سودان كەيىن ولارعا جيدەكتى زاڭسىز جيناعانى ءۇشىن ايىپپۇل سالاسىزدار ما؟ بۇل فاكتىلەر جيدەكتەر مەن ساڭىراۋقۇلاقتارعا سالىناتىن سالىقتىڭ اقىلعا سىيىمسىزدىعىن كورسەتەدى، ونىڭ ۇستىنە اتالار مەن اجەلەردەن بيۋدجەتكە كوپ قارجى تۇسە قويمايدى»، - دەدى ول.

سونىمەن قاتار، دەپۋتات الەمدە زياندى ازىق-تۇلىككە سالىق سالۋ تاجىريبەسى كەڭ تارالعانىن اتاپ ءوتتى. سوڭعى ون جىل ىشىندە، ونىڭ ايتۋىنشا، مۇنداي سالىقتار دانيا، ەكۆادور، ەگيپەت، فرانسيا، ۆەنگريا، مەكسيكا، اقش جانە باسقا مەملەكەتتەردە ەنگىزىلگەن.

«كوپتەگەن زەرتتەۋلەر كورسەتكەندەي، «قوعامدىق دەنساۋلىقتى قولداۋ سالىعى»ءوز ماقساتىنا جەتتى. سالىقتىڭ وسى ءتۇرى ەنگىزىلگەن ەلدەردە ازىق-تۇلىك ونىمدەرىن وندىرۋشىلەر مەن ساتۋشىلاردىڭ 70%-ى زياندى جانە قوسىمشا سالىق سالىناتىن كومپونەنتتەردى ازايتتى. ءبىزدىڭ ويىمىزشا، ۇكىمەت جيدەكتەر سياقتى پايدالى تاعامدارعا ەمەس، زياندى تاعامدارعا سالىقتى كوتەرۋى كەرەك. سوندىقتان ءبىز زياندى ونىمدەرگە سالىقتى قولدانۋ ماسەلەسىن قاراستىرۋدى ۇسىنامىز، ال تابىسى تومەن وتباسىلارعا پايدالى ونىمدەردى ساتىپ الاتىن ۆاۋچەرلەر بەرۋدى ۇسىنامىز»، – دەدى ماگەرراموۆ.

2024 جىلدان باستاپ قازاقستاندا كەز كەلگەن اۋماقتا ساڭىراۋقۇلاقتار مەن جيدەكتەردى جيناۋعا سالىق ەنگىزىلەدى.