الماتى اكىمى ەربولات دوسايەۆتىڭ وكىمىمەن الماتى قالاسى اكىمى اپپاراتىنىڭ باسشىسى لاۋازىمىنا بەيبىت شاحانوۆ تاعايىندالدى، دەپ حابارلايدى almaty-akshamy.kz
بەيبىت شاحانوۆ 1979 جىلى تۋعان. ابىلاي حان اتىنداعى قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىن؛ قازاق مەملەكەتتىك زاڭ ۋنيۆەرسيتەتىن؛ قازاق كوممەرسيالىق-قارجى اكادەمياسىن؛ لانكاستەر ۋنيۆەرسيتەتىن (ۇلىبريتانيا) بىتىرگەن.
ەڭبەك جولىن 2002 جىلى ق ر تابيعي مونوپوليالاردى رەتتەۋ اگەنتتىگىنىڭ مونوپولياعا قارسى زاڭنامانىڭ ساقتالۋىن باقىلاۋ دەپارتامەنتىنىڭ جەتەكشى مامانى قىزمەتىنەن باستاعان.
ءار جىلدارى قارجى مينيسترلىگىنىڭ، ءبىلىم جانە عىلىم مينيسترلىگىنىڭ، قورشاعان ورتانى قورعاۋ مينيسترلىگىنىڭ قۇرىلىمدىق بولىمشەلەرىندە باسشىلىق قىزمەتتەر اتقارعان.
2015-2022 جىلدارى ق ر ۇلتتىق ەكونوميكا مينيسترلىگىنىڭ، ينۆەستيسيالار جانە دامۋ مينيسترلىگىنىڭ، يندۋستريا جانە ينفراقۇرىلىمدىق دامۋ مينيسترلىگىنىڭ قۇرىلىس، تۇرعىن ۇي-كوممۋنالدىق شارۋاشىلىق جانە جەر رەسۋرستارىن باسقارۋ ىستەرى كوميتەتىندە جۇمىس ىستەگەن.
2022 جىلعى ماۋسىمنان باستاپ قازىرگى تاعايىنداۋعا دەيىن الماتى قالاسى قۇرىلىس باسقارماسىنىڭ باسشىسى بولىپ جۇمىس ىستەدى.