الەمدىك فۋتبول تاريحىنداعى جارىق جۇلدىز
الەم فۋتبولىنىڭ تاريحىندا جاقۇتتاي جارقىراپ ونەر كورسەتكەن الا دوپ شەبەرلەرى از بولماعان. سونىڭ بىرەگەيى - فرانسيالىق ۇزدىك فۋتبولشى زينەدين زيدان. داڭقتى سپورت جۇلدىزى جايىندا 5 قىزىقتى مالىمەتتى نازارلارىڭىزعا ۇسىنامىز.
* 1986 جىلى بالا زيدان ءوز مانسابىن ەرتە باستايدى. جەرگىلىكتى جارىستاردىڭ بىرىندە كوزگە تۇسەدى. وسىلايشا 14 جاسىندا «كانن» كلۋبىمەن كەلىسىمشارت جاسايدى. ءسويتىپ، ەڭ جاس جارتىلاي قورعاۋشى اتانادى.
* زيدان فۋتبولدان بولەك دزيۋدومەن دە ماشىقتاندى. تەك اينالىسىپ قانا قويماي، جاسىل بەلدىك يەسى اتاندى. سونىمەن قاتار دەنە ءبىتىمى مودەلدەر سياقتى وتە مىعىم.
* زيزۋدىڭ اتى «التىن» دوپتى العان تۇڭعىش مۇسىلمان رەتىندە تاريحتا التىن ارىپپەن جازىلدى. سونداي-اق ءۇش رەت الەمنىڭ (1998، 2000، 2003)، ءبىر مارتە ەۋروپانىڭ (2000) ۇزدىك فۋتبولشىسى اتاندى.
* ءبىر قىزىعى زينەديندەر اۋلەتى تۇگەل الا دوپتى جاندارىنا سەرىك ەتكەن. ونىڭ ءتورت ۇلى بار جانە تورتەۋى دە فۋتبولشى: ەنسو (1995) - جارتىلاي قورعاۋشى، لۋكو (1998) - قاقپاشى، تەو (2002) - شابۋىلشى، ەلياس زيدان (2005).
* دۇنيەجۇزىلىك فۋتبول تاريحىندا 40 مەتردەن گول سوققان بىردەن-بىر فاۆوريتكە اينالدى. كۇنى بۇگىنگە دەيىن اتالعان رەكوردتىڭ جالعىز يەسى ءوزى بولىپ تابىلادى.