بۇل - ازىرگە پيلوتتىق جوبا.
قازاقستان ۇكىمەتى مەملەكەت ازاماتتارىن كونترافاكتىلىك ونىمنەن قورعاۋ ماقساتىندا ارنايى پيلوتتىق جوبانى ىسكە قوستى، دەپ حابارلايدى Almaty-kshamy.kz.
«تۇتىنۋشىلاردى كونترافاكتىلىك ونىمنەن قورعاۋ جانە «اشىق» زەرگەرلىك نارىق قۇرۋ ءۇشىن اسىل تاستار مەن باعالى مەتالداردان جاسالعان زەرگەرلىك بۇيىمداردى سيفرلىق تاڭبالاۋ جونىندەگى پيلوتتىق جوبا ىسكە قوسىلدى»، - دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
پيلوتتىق جوباعا تاۋار وندىرۋشىلەر، يمپورتتاۋشىلار، كوتەرمە جانە بولشەك ساۋدا وكىلدەرى، لومباردتار قاتىسا الادى. جوباعا قاتىسا وتىرىپ، بيزنەس-قاۋىمداستىق وكىلدەرى تاڭبالاۋدىڭ اقپاراتتىق جۇيەسىنىڭ قىزمەتىن تەگىن تەكسەرۋ، تاڭبالاۋ پروسەسىن اعىمداعى وندىرىستىك پروسەستەرگە ينتەگراسيالاۋدى پىسىقتاۋ، سونداي-اق تاڭبالاۋ كودتارىن ەنگىزۋدىڭ ءتۇرلى تاسىلدەرىن سىناقتان وتكىزۋ مۇمكىندىگىنە يە بولادى.