بيىل «بولاشاق» باعدارلاماسى بويىنشا تەحنيكالىق جانە IT ماماندىقتارعا گرانتتار سانى 36%-دان 60%-عا دەيىن وسەدى.
بۇل - وقىتۋدىڭ وسى باعىتتارى بويىنشا ۇمىتكەرلەردى قولداۋدىڭ قوسىمشا شارالارىنىڭ ءبىرى. بۇل تۋرالى ءبىلىم جانە عىلىم مينيسترلىگى ءمالىم ەتتى، دەپ حابارلايدى Almaty-akshamy.kz.
تەحنيكالىق دايىندىق باعىتتارى بويىنشا ۇمىتكەرلەر ءۇشىن شەت ءتىلىن مەڭگەرۋگە ارنالعان IELTS تەستىنىڭ ورتاشا بالى تومەندەتىلدى. ەندى 5.0 بالل جەتكىلىكتى جانە ءبىر جىل تىلدىك دايىندىقتان ءوتۋ مۇمكىندىگى دە قاراستىرىلعان. بۇل شارالار تەحنيكالىق ماماندىقتار بويىنشا وقىتۋ مۇمكىندىگىن كەڭەيتەدى.
«بعم پرەزيدەنت قاسىم-جومارت توقايەۆتىڭ تاپسىرماسى بويىنشا باعدارلامانى قايتا باعدارلاۋ پروسەسىن باستادى. ەندى ينجەنەرلىك-تەحنيكالىق كادرلاردى دايىنداۋ باسىمدىققا يە بولماق. سونداي-اق «ينجەنەرلىك-تەحنيكالىق قىزمەتكەرلەر» جەڭىلدەتىلگەن ساناتىن ەنگىزۋ قاراستىرىلىپ جاتىر. «بولاشاق» باعدارلاماسىنا قۇجات تاپسىرۋ كەزىندە ولار مىندەتتى تۇردە شەتەلدىك ۋنيۆەرسيتەتتەرگە ءوز بەتىنشە تۇسپەيدى. ولار الدىمەن ءتىل كۋرستارىنان ءوتىپ، ستيپەنديا تاعايىندالعاننان كەيىن باعدارلاما بويىنشا وقۋعا ۇسىنىلعان ۋنيۆەرسيتەتتەر تىزىمىنەن وقۋ ورنىن تاڭداي الادى»، - دەپ اتاپ ءوتتى «حالىقارالىق باعدارلامالار ورتالىعى» اق پرەزيدەنتى ءانۋار جانعوزين.
اۋىلدىق جەرلەردەن كەلگەن ۇمىتكەرلەردىڭ دە مۇمكىندىكتەرىن ارتتىرۋ جوسپارلانىپ وتىر. مىسالى، IELTS ناتيجەسىمەن اعىلشىن ءتىلىن مەڭگەرۋ دەڭگەيىن 5.0 بالعا دەيىن تومەندەتۋ، اۋىلدىق جەرلەردە مىندەتتى تۇرۋ مەرزىمى 3 جىلدان 2 جىلعا دەيىن قىسقارتۋ جوسپاردا بار، ولارعا تىلدىك دايىندىقتان وتۋگە مۇمكىندىك بەرىلەدى. ودان بولەك، اۋداندىق ماڭىزى بار قالا تۇرعىندارىن قوسۋ ارقىلى اۋىلدىق جەرلەردەن كانديداتتاردىڭ كونتينگەنتىن كەڭەيتۋ جانە ولاردىڭ سانىن ۇلعايتۋ ۇسىنىلدى.
سونداي-اق 23 تەحنيكالىق شەتەلدىك ۋنيۆەرسيتەتتى ۇزدىك 250 حالىقارالىق اكادەميالىق رەيتينگىنە كىرەتىن QS World University Rankings، Academic Ranking of World Universities، Times Higher Education World University Rankings جانە بريكس ەلدەرىنىڭ جەتەكشى 20 ۇلتتىق رەيتينگتەرىنە ەنگىزۋ جۇمىستارى جۇرگىزىلىپ جاتىر.
سونىمەن قاتار كادرلاردى دايارلاۋ جونىندەگى رەسپۋبليكالىق كوميسسيا دوكتورانتۋرانى بىتىرگەن ستيپەندياتتارعا، سونداي-اق الەمنىڭ جەتەكشى Fortune-500 كومپانيالارىندا تاعىلىمدامادان ءوتۋ ءۇشىن ستيپەندياتتارعا ءبىر جىلدىق مەرزىمدى كەيىنگە قالدىرۋ تۋرالى شەشىم قابىلدادى.
بارلىق پروسەستى وڭايلاتۋ، اۆتوماتتاندىرۋ جانە اشىقتىق بويىنشا جۇمىس جالعاسادى. اكادەميالىق ادالدىقتى قامتاماسىز ەتۋ ءۇشىن ستيپەنديا بەرۋگە كونكۋرستىق ىرىكتەۋ پروكتورينگ پەن انتيچيتينگتىڭ جەتىلدىرىلگەن جۇيەسىمەن جۇزەگە اسىرىلادى. ونلاين فورمات جانە بيزنەس-پروسەستەردى ودان ءارى اۆتوماتتاندىرۋ ىرىكتەۋ جۇيەسىن ودان دا اشىق، قولجەتىمدى، ىڭعايلى جانە ۇتقىر ەتەدى.