«تاۋلى ايماقتىڭ اۋاسى سەكىلدەنگەن، اۋمالى دا توكپەلى كۇندەرىم-اي!» – دەپ مۇقاعالي ايتپاقشى، ءبارى دە كوز الدىمىزدا وزگەرۋدە. قوعام باسقا، زامان باسقا. كەشەگى كەيبىر جاڭالىقتار بۇگىن ەسكىرۋدە.
نۇرعا شومىلىپ، شۋاققا بولەنىپ، شاتتىق قۇشاعىندا ءجۇرمىز دەپ ءوزىمىزدى قانشا سەندىرسەك تە، ءومىردىڭ قاتاڭ تالاپتارى قۇرعاق قيالدىڭ كۇلىن كوككە ۇشىرادى ەكەن. سوندىقتان دا ەڭ الدىمەن اتا-بابا اماناتىنا ادالدىقتى ويلاۋ – اسا جاۋاپتى، اۋىر مىندەت.
وسى رەتتە پارتيانىڭ اتىن «امانات» دەپ وزگەرتۋ كوڭىلگە ابدەن قونادى. ەندى بۇل پارتيا ۇلت مۇددەسىنە قيانات جاسامايتىن بولۋى كەرەك.
ۇلتتىق قۇندىلىقتارىمىز، مەملەكەتتىك ءتىلىمىز، جەرىمىز، ءدىلىمىز، قازاقى رۋحىمىز كوزدىڭ قاراشىعىنداي قورعالۋى كەرەك. سوعان قىزمەت ەتەدى دەپ سەنگىمىز كەلەدى.