قازاقستاندا زەرگەرلىك بۇيىمدار مەن قول ساعاتتارىنىڭ باعاسى 2024 جىلدىڭ ماۋسىم ايىنىڭ قورىتىندىسى بويىنشا ءبىر ايدا 0،4% - عا جانە ءبىر جىلدا 5% - عا ءوستى. ءبىر جىل بۇرىن ءوسىم 4،2% قۇرادى، دەپ حابارلايدى اlmaty-akshamy.kz.
ونىڭ ىشىندە التىن نەكە ساقينالارى ءبىر ايدا 0،2% - عا، ال ءبىر جىلدا 3،3% - عا قىمباتتادى. ءبىر جىل بۇرىن باعانىڭ ءوسۋى 3% -عا جەتسە، 2022 جىلدىڭ ماۋسىمىندا بىردەن 38،9% ءوسىم بايقالعان.
اعىمداعى جىلدىڭ قاڭتار–مامىر ايلارىندا زەرگەرلىك جانە ۇقساس بۇيىمداردى ءوندىرۋ كولەمى 524،8 ملن تەڭگەنى قۇرادى. 2023 جىلدىڭ وسى كەزەڭىمەن سالىستىرساق، قۇندىق ماندە 0،8% - عا از. بۇل رەتتە ءبىر جىل بۇرىنعى سەكتوردا شىعارىلىمنىڭ 10،6% - عا ءوسۋى بايقالعان.