الماتى قالاسىنىڭ اكىمدىگى ەكولوگيا جانە قورشاعان ورتانى قورعاۋ باسقارماسى اتىنان مەملەكەتتىك مۋزەي جانىنداعى سكۆەردى رەكونسترۋكسيالاۋ جۇمىستارىن ورىنداعان مەردىگەر ۇيىم – «شاح» قۇرىلىس كومپانياسى» ج ش س - مەن شارتتى ءبىرجاقتى تارتىپپەن بۇزدى، دەپ حابارلايدى اlmaty-akshamy.kz.
شارت 2022 جىلى جاسالدى، ال نىسان 2023 جىلى تاپسىرىلۋى ءتيىس ەدى.
مەردىگەرگە كەستەدەن ارتتا قالۋعا جانە جۇمىستاردىڭ ساپاسىز ورىندالۋىنا قاتىستى شاعىم سيپاتىنداعى حابارلامالار بىرنەشە رەت جىبەرىلدى. وسىعان بايلانىستى 2023 جىلعى ماۋسىمدا باسقارما «شاح «قۇرىلىس كومپانياسى» ءجشس-ىن مەملەكەتتىك ساتىپ الۋدىڭ جوسىقسىز قاتىسۋشىسى دەپ تانۋ، تۇراقسىزدىق ايىبىن ءوندىرىپ الۋ جانە شارتتىڭ تالاپتارى مەن تالاپتارىنا سايكەس مىندەتتەمەلەردى تولىق كولەمدە ورىنداۋ تۋرالى سوتقا تالاپ ارىز بەرۋگە باستاماشىلىق جاسادى.
ۇزاققا سوزىلعان سوت تالقىلاۋلارىنان كەيىن الماتى قالاسىنىڭ مامانداندىرىلعان اۋدانارالىق ەكونوميكالىق سوتى وتكەن جىلدىڭ قاراشا ايىندا «شاح «قۇرىلىس كومپانياسى» ءجشس-ىن جۇمىستاردى تولىق كولەمدە اياقتاۋعا مىندەتتەدى، ونىڭ ىشىندە سۋبۇرقاقتى جوندەۋدى. الايدا، مەردىگەر بۇل ءۇشىن ەشقانداي شارا قولدانعان جوق.
كومپانيانىڭ ارەكەتسىزدىگىنە بايلانىستى الماتى قالاسىنىڭ ەكولوگيا جانە قورشاعان ورتا باسقارماسى «شاح» قۇرىلىس كومپانياسى» جشس-مەن شارت تى ءبىرجاقتى تارتىپپەن بۇزدى.
قازىرگى ۋاقىتتا اعىمداعى جىلدىڭ سوڭىنا دەيىنگى مەرزىمدە سۋبۇرقاقتى رەكونسترۋكسيالاۋ جونىندەگى جۇمىستاردى اياقتاۋ ءۇشىن جاڭا مەردىگەرلىك ۇيىمدى ايقىنداۋ بويىنشا كونكۋرستىق قۇجاتتاما دايىندالۋدا.
اتاپ وتەرلىك جايت، اتالعان كومپانيا ءاليا مەن مانشۇك سكۆەرىن رەكونسترۋكسيالاۋ بويىنشا مەملەكەتتىك ساتىپ الۋلاردىڭ جوسىقسىز قاتىسۋشىسى بولىپ تانىلعان. بۇل جوبا بويىنشا سوت پروسەستەرى دە بولدى جانە شارت ءبىرجاقتى تارتىپپەن بۇزىلدى. ەندى جۇمىستى اياقتاۋمەن باسقا مەردىگەر ۇيىم اينالىسادى.