جابىرلەنۋشى ەش ويلانباستان بارلىق اقشاسىن الاياقتارعا اۋدارىپ جىبەرگەن
اقتوبە وبلىسىنىڭ 69 جاستاعى تۇرعىنى الاياققا سەنىپ، 5 ملن تەڭگەسىنەن ايىرىلىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ايماقتاعى پوليسيا دەپارتامەنتىنىڭ مالىمەتىنشە، بيرجا وكىلى جابىرلەنۋشىمەن بايلانىسقا شىعىپ، اقشا اۋدارىمى مەن كوميسسيا ءۇشىن، ساقتاندىرۋ قاعازى مەن تاعى باسقا سالىقتاردى تولەۋ كەرەكتىگىن ايتقان. ايتىلعان وپەراسيانى جۇزەگە اسىرۋ ءۇشىن جابىرلەنۋشى ەش ويلانباستان بارلىق اقشاسىن الاياقتارعا اۋدارىپ جىبەرگەن.
«شىعىن سوماسى شامامەن 5 ملن تەڭگە. اقشانى العان الاياق كەيىن كەرى بايلانىسقا شىقپاعان، ەر ادام ءوزىنىڭ الاياقتاردىڭ قۇربانىنا اينالعانىن ءتۇسىنىپ، پوليسياعا ارىزداندى. قك-نىڭ 190-بابى 3-بولىگى (الاياقتىق) بويىنشا سوتقا دەيىنگى تەرگەۋ جۇرگىزىلىپ، كۇدىكتىلەردى انىقتاۋ مەن ۇستاۋعا باعىتتالعان جەدەل ءىس-شارالار جۇرگىزىلۋدە»، - دەپ مالىمدەدى ۆەدومستۆودان.
اقتوبە وبلىسى پوليسيا دەپارتامەنتى ناعىز بروكەرلەر ادامداردى تەلەفون ارقىلى شاقىرمايتىنىن، جەكە تۇلعالاردىڭ كارتالارىنا جانە باسقا دا تولەم جۇيەلەرىنە قاراجات اۋدارۋدى سۇرامايتىنىن ەسكە سالادى.