ءساتتى وتكەن وپەراسيا جەرگىلىكتى جانسىزداندىرۋ ارقىلى ەشبىر تىلىكسىز جاسالدى
ورتالىق قالالىق كلينيكالىق اۋرۋحانادا جىلدار بويى گيپەرتونيانىڭ اگرەسسيۆتى تۇرىنەن زارداپ شەككەن 40 جاستاعى ەر ادامعا وتا جاسالدى. وپەراسيا مىندەتتى الەۋمەتتىك مەديسينالىق ساقتاندىرۋ اياسىندا ىسكە استى. بۇل تۋرالى اتالعان اۋرۋحانانىڭ باسپا ءسوز قىزمەتى مالىمدەدى، دەپ حابارلايدى Almaty-akshamy.kz.
ورال قالاسىنان كەلگەن ناۋقاستىڭ جوعارى قان قىسىمىمەن اۋىرعانىنا كوپ جىلدار بولعان. كوپ جاعدايدا قان قىسىمى 220-عا دەيىن كوتەرىلەتىن، سوڭعى كەزدە ءدارىنىڭ دە كومەگى تيمەي قالدى، دەيدى ول.
«بۇل دەرتكە شالدىققانىما كوپ جىل بولدى. قانشا ۋاقىتتان بەرى ءدارىنىڭ دە ءتۇر-تۇرىن ءىشتىم، قان قىسىمى ازدان كەيىن قايتا كوتەرىلىپ كەتەتىن. ءبىر جىل بۇرىن ميكروينسۋلت الدىم. ەم ىزدەپ ءتىپتى، رەسەيگە دە باردىم، ءبىراق ول جاقتىڭ دارىگەرلەرى دە تولىققاندى ەم جاساعان جوق. وسى اۋرۋحانادا جاقسى ماماندار بار دەگەندى ەستىپ ءمامس بويىنشا جولداما الىپ كەلدىم»، - دەدى باتىس قازاقستان وبلىسىنىڭ تۇرعىنى.
دارىگەرلەر انگيوگرافيا ناتيجەسىندە وڭ جاق بۇيرەكتەگى ارتەريانىڭ موينى تارىلعانىن انىقتادى.
حيرۋرگ سۇلتان يلييەۆ ستەنوزعا شالدىققان بۇيرەكتەگى كۇرەتامىرعا ستەنت ورناتۋ تۋرالى شەشىم قابىلدادى. 20 مينۋتتا ءساتتى وتكەن وپەراسيا جەرگىلىكتى جانسىزداندىرۋ ارقىلى ەشبىر تىلىكسىز جاسالدى.
«پاسيەنتتىڭ قان قىسىمى وپەراسيا زالىندا-اق 120/80-گە ءتۇستى. بۇگىندە ونىڭ جاعدايى جاقسى، ءدارى ىشپەيدى. ءقازىر ۇيگە شىعارۋعا دايىنداپ جاتىرمىز»، - دەدى حيرۋرگ.
ماماننىڭ ايتۋىنشا، ۇزاق ۋاقىت ارتەريالدى گيپەرتەنزيامەن اۋىراتىن ناۋقاستار بۇيرەكتەگى كۇرەتامىردى تەكسەرتكەنى ءجون.