بالا كۇتىمىنە جانە جۇكتىلىككە بايلانىستى تولەمدەر وسەدى

ازىرگە تولەمدەردىڭ قازىرگى مولشەرىنە قانشا تەڭگە قوسىلاتىنى بەلگىسىز

مەملەكەتتىك الەۋمەتتىك ساقتاندىرۋ قورىنان 300 مىڭنان استام انا جۇكتىلىگى بويىنشا تولەم الىپ وتىر. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتىپ بەردى، دەپ حابارلايدى Almaty-akshamy.kz Almaty.tv –گە سىلتەمە جاساپ.

«مەملەكەتتىك الەۋمەتتىك ساقتاندىرۋ قورىنان 300 مىڭنان استام انا جۇكتىلىگى بويىنشا بۇرىنعى ورتاشا ەڭبەكاقىسىنىڭ 100 پايىزىن، ال بالاعا قاراۋ كەزەڭىندە ەڭبەكاقىسىنىڭ 40 پايىزىن الىپ وتىر. سونداي-اق، جۇمىسسىز قالعان 105 مىڭ ازاماتقا ولاردىڭ ەڭبەكاقىسىنىڭ 40 پايىزىنا دەيىن 6 ايعا دەيىن بەرىلىپ جاتىر. كەيىنگى جىلدارى بۇل تولەمدەردىڭ مولشەرىن ەداۋىر كوتەرۋ ماسەلەسى قاراستىرىلۋدا»، - دەدى تامارا دۇيسەنوۆا ۇكىمەت وتىرىسىندا.

ونىڭ ايتۋىنشا، بۇل دەكرەتتە وتىرعان ايەلدەرگە جالاقىنىڭ كوپ بولىگىن الۋعا مۇمكىندىك بەرەدى. ازىرگە تولەمدەردىڭ قازىرگى مولشەرىنە قانشا تەڭگە قوسىلاتىنى بەلگىسىز.

تامارا دۇيسەنوۆا تاكسي جۇرگىزۋشىلەرى مەن كۋرەرلەردى الەۋمەتتىك قامسىزداندىرۋ ماسەلەسى قاراستىرىلىپ جاتقانىن ايتتى.

«ساراپتامالىق مالىمەتتەرگە جۇگىنسەك، قازاقستاندا 500 مىڭداي ادام پلاتفورمالىق جۇمىسپەن قامتىلعان. ياعني، ازاماتتار ياندەكس، ۋبەر، ۆولت جانە گلوۆو سياقتى ءتۇرلى ونلاين-پلاتفورمالار ارقىلى جۇمىس ىستەيدى. مۇنداي رەجيم تۇرعىندارعا وتە ىڭعايلى ەكەنى ءسوزسىز. الايدا ونىڭ باستى كەمشىلىگى – جۇمىسپەن قامتىلعاندار ءۇشىن الەۋمەتتىك كەپىلدىكتىڭ جوقتىعى»، – دەدى ق ر ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا.