ءبىرجولعى زەينەتاقى تولەمدەرىن مىنا ماقساتتارمەن پايدالانۋعا جول بەرىلەدى.
قازاقستاندا تۇرعىن ءۇي جاعدايلارىن جاقسارتۋ ءۇشىن زەينەتاقى جيناقتارىن پايدالانۋ قاعيدالارىنا وزگەرىستەر ەنگىزىلۋى مۇمكىن، دەپ حابارلايدى، دەپ حابارلايدى Almaty-akshamy.kz Baq.kz-كە سىلتەمە جاساپ.
يندۋستريا جانە ينفراقۇرىلىمدىق دامۋ مينيسترلىگى تۇرعىن ءۇي جاعدايلارىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋ قاعيدالارى تۋرالى ءمينيستردىڭ بۇيرىعىنا وزگەرىستەر جوباسىن دايىندادى.
ۆەدومستۆو ۇسىنىپ وتىرعان قۇجاتتا تۇرعىن ءۇي جاعدايىن جاقسارتۋ ءۇشىن ءبىرجولعى زەينەتاقى تولەمدەرىن مىنا ماقساتتارمەن پايدالانۋعا جول بەرىلەتىنى ايتىلعان:
• تۇرعىن ءۇيدى ساتىپ الۋ-ساتۋ، ايىرباستاۋ (ايىرباس جاساۋ) شارتتارى بويىنشا (يپوتەكالىق تۇرعىن ءۇي قارىزىن رەسىمدەمەي) تۇرعىن ءۇيدى مەنشىككە ساتىپ الۋعا بايلانىستى ازاماتتىق-قۇقىقتىق مامىلەلەر بويىنشا تۇپكىلىكتى ەسەپ ايىرىسۋ؛
• ءبىر بانكتىك قارىز شارتى شەڭبەرىندە جوندەۋ جۇرگىزە وتىرىپ، تۇرعىنجايدى جانە (نەمەسە) تۇرعىنجايدى ساتىپ الۋعا يپوتەكالىق تۇرعىن ءۇي قارىزىن الۋ، ءبىر بانكتىك قارىز شارتى شەڭبەرىندە جوندەۋ جۇرگىزە وتىرىپ، تۇرعىنجايدى جانە (نەمەسە) تۇرعىنجايدى ساتىپ الۋعا يپوتەكالىق تۇرعىن ءۇي قارىزى بويىنشا بەرەشەكتى ءىشىنارا نەمەسە تولىق وتەۋ، يپوتەكالىق تۇرعىن ءۇي قارىزىن قايتا قارجىلاندىرۋ ءۇشىن باستاپقى جارنانى ەنگىزۋ؛
• قاراجات جيناقتاۋ، الۋ، بەرەشەكتى ءىشىنارا نەمەسە تولىق وتەۋ، تۇرعىن ءۇي ساتىپ الۋ (ونىڭ ىشىندە ءبىر بانكتىك قارىز شارتى شەڭبەرىندە جوندەۋ)، جەكە تۇرعىن ءۇي سالۋ (نىسانالى ماقساتى بار جەر ۋچاسكەسىن ساتىپ الۋدى قوسا العاندا – جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق) ءۇشىن يپوتەكالىق تۇرعىن ءۇي قارىزىن قايتا قارجىلاندىرۋ ماقساتىندا تۇرعىن ءۇي قۇرىلىسى جيناق اقشاسى تۋرالى سالىمدارعا اۋدارۋ؛
• يسلام بانكىنىڭ قارجىلاندىرۋى شەڭبەرىندە تۇرعىن ءۇي ساتىپ الۋ، يسلام بانكىنىڭ تۇرعىن ءۇي ساتىپ الۋ جونىندەگى مامىلەنى قارجىلاندىرۋى شەڭبەرىندە بەرەشەكتى ءىشىنارا، تولىق وتەۋ؛
• تۇرعىن ءۇي قۇرىلىسى باعدارلامالارى مەن داعدارىسقا قارسى باعدارلامالار شەڭبەرىندە بەرىلگەن تۇرعىن ءۇيدى جەكەشەلەندىرۋ، تولەۋ مەرزىمىن ۇزارتا وتىرىپ ساتىپ الۋ-ساتۋ، ساتىپ الۋ قۇقىعىمەن ۇزاق مەرزىمدى جالعا الۋ شارتتارى بويىنشا ءىشىنارا نەمەسە تولىق وتەۋ؛
• ونىڭ ىشىندە يپوتەكالىق تۇرعىن ءۇي قارىزىن تارتا وتىرىپ، سونداي-اق وسىنداي يپوتەكالىق تۇرعىن ءۇي قارىزىن نەمەسە قايتا قارجىلاندىرىلعان يپوتەكالىق تۇرعىن ءۇي قارىزىن ءىشىنارا نەمەسە تولىق وتەۋ ءۇشىن جەكە تۇرعىن ءۇي سالۋ (مەنشىگىندە نىسانالى ماقساتى بار جەر ۋچاسكەسى بولعان كەزدە – جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق)؛
• يپوتەكالىق تۇرعىن ءۇي قارىزىن رەسىمدەمەي، كەيىننەن تۇرعىن ءۇيدى پايدالانۋعا بەرۋ تۋرالى اكتىنى بەرە وتىرىپ، ساتىپ الۋ-ساتۋ، ايىرباستاۋ (ايىرباس جاساۋ) شارتتارى بويىنشا جەر ۋچاسكەسىن مەنشىككە ساتىپ الۋ (نىسانالى ماقساتى – جەكە تۇرعىن ءۇي قۇرىلىسى نەمەسە جەكە قوسالقى شارۋاشىلىق)؛
• جەرگىلىكتى اتقارۋشى ورگاندار بەلگىلەنگەن تارتىپپەن تىركەگەن تۇرعىن ءۇي قۇرىلىسىنا ۇلەستىك قاتىسۋ تۋرالى شارت بويىنشا، ونىڭ ىشىندە قارىزدار الۋ جانە ءبىرىڭعاي تۇرعىن ءۇي قۇرىلىسى وپەراتورى كەپىلدىك بەرگەن سالىنىپ جاتقان وبەكتىدە تۇرعىن ءۇي ساتىپ الۋعا وسىنداي قارىزدار بويىنشا مىندەتتەمەلەردى تولەۋ ءۇشىن تۇرعىن ءۇيدىڭ (پاتەردىڭ) قۇنىن تولەۋگە بەرىلەتىن اعىمداعى نىسانالى ترانسفەرتتەر بولىپ تابىلادى.
ءبىر جولعى زەينەتاقى تولەمدەرىنىڭ سوماسى وسى ەرەجەدە كوزدەلگەن ماقساتتارعا جەتكىلىكسىز بولعان جاعدايدا، ءوز قاراجاتىن پايدالانۋعا بولادى.
الۋشى وسى قاعيدالاردىڭ 5-تارماعىنىڭ 6)، 7)، 8)، 9) تارماقشالاردا كوزدەلگەن ماقساتتار بويىنشا ءبىرجولعى زەينەتاقى تولەمدەرىنىڭ نىسانالى پايدالانىلۋىن راستاۋ ءۇشىن جەكە كابينەتتە قاراجات اۋدارىلعان كۇنى ەسق-مەن نەمەسە ۋاكىلەتتى وپەراتوردىڭ ىشكى قۇجاتىمەن بەلگىلەنگەن وزگە دە ەلەكتروندىق تاسىلمەن كۋالاندىرىلاتىن، تىركەۋشى ورگاندا الۋشىعا مەنشىك قۇقىعىن تىركەۋ جونىندەگى قۇجاتتى ۇسىنۋ تۋرالى مىندەتتەمەگە قول قويادى.
ءبىرجولعى زەينەتاقى تولەمدەرى وسى قاعيدالاردىڭ 5-تارماعىنىڭ 3) تارماقشاسىندا كوزدەلگەن ماقساتتار بويىنشا تۇرعىن ءۇي قۇرىلىسى جيناق اقشاسى تۋرالى شارتتى بۇزۋ ناتيجەسىندە پايدالانىلماعان جاعدايدا، ءبىرجولعى زەينەتاقى تولەمدەرىنىڭ سوماسى 10 (ون) جۇمىس كۇنى ىشىندە بجزق-داعى شوتقا قايتارىلۋعا جاتادى.
تۇرعىن ءۇي قۇرىلىسى جيناق اقشاسى تۋرالى شارتتى الۋشىنىڭ (ءوتىنىش بەرۋشىنىڭ) جۇبايى (زايىبى) نەمەسە جاقىن تۋىسى بولىپ تابىلمايتىن ءۇشىنشى تۇلعانىڭ پايداسىنا بەرۋگە جول بەرىلمەيدى.
ءبىرجولعى زەينەتاقى تولەمدەرىن الۋشىنىڭ جۇبايىنان (زايىبىنان) جانە ولاردىڭ جاقىن تۋىستارىنان، سونداي-اق الۋشىنىڭ (ءوتىنىش بەرۋشىنىڭ) جاقىن تۋىستارىنان جىلجىمايتىن مۇلىك ساتىپ الۋعا پايدالانۋعا جول بەرىلمەيدى.