«Alma bala» اكسياسى اياسىندا سابيلەرگە سىيلىق بەرىلدى.
الماتىلىق جاستار انا اتانىپ، پەرزەنتحانادان شىققان 100 نازىكجاندىنى قۇتتىقتادى. يگى ءىس-شارانى «جاس وتان» جاستار قاناتى، «جاستار رەسۋرستىق ورتالىعى» جانە ۆولونتەرلار ليگاسى ارنايى ۇيىمداستىردى، دەپ حابارلايدى Almaty-akshamy.kz Almaty.tv-گە سىلتەمە جاساپ.
قالا كۇنى قارساڭىندا وتكەن اكسياعا جاستار ارنايى «Alma bala» دەگەن اتاۋ بەرىپتى. اكسيا اياسىندا قالامىزدىڭ بەلسەندى جاستارى 6 پەرزەنتحاناعا بارىپ، ۇيگە شىعارىلىپ جاتقان انالارعا الما جانە ءسابيدىڭ كۇتىمىنە كەرەك زاتتار سالىنعان سەبەتتەر تاراتتى. وسىلايشا الماتىنىڭ كىشكەنتاي تۇرعىندارىن مەرەكەسىمەن قۇتتىقتاعىمىز كەلدى دەيدى ولار.
«قالامىزداعى بۇكىل پەرزەنتحانانىڭ الدىندا الماتى جاستارى وسى اكسيانى ۇيىمداستىرىپ جاتىر. بۇگىن ءبىز شامامەن 100 ءسابيدى دۇنيەگە كەلۋىمەن، وسىنداي تاماشا قۋانىشتى ساتىمەن قۇتتىقتاعان بولاتىنبىز»، - دەدى قالالىق Jas Otan جاستار قاناتىنىڭ ءتوراعاسى نۇرسۇلتان بەكقايىروۆ.
انالار ولارعا كورسەتىلگەن قامقورلىق پەن ىستىق ىقىلاستى قۋانا قابىل الدى.
«مەن كەشە ساعات تاڭعى 7:10 كەتكەندە قىز بوساندىم. پەرزەنتحاناعا ەكى كۇن بۇرىن تۇسكەن بولاتىنمىن. وسىلاي ءبىزدى قۇتتىقتاپ كەلىپ جاتقان الماتىنىڭ جاستارىنا راحمەت!» - دەدى قالا تۇرعىنى نۇرديانا قوجاسوۆا.
«كەشە ۇل بوساندىم. دۇنيەگە كەلدى امان ەسەن. دەنساۋلىعىمىز جاقسى، شۇكىر. قالا كۇنىمەن قۇتتىقتايمىن. بارلىقتارىڭىزعا، مەدبيكەلەرگە، ەرىكتىلەرگە راحمەت!» - دەدى قالا تۇرعىنى سايدا ءجۇنىس قىزى.
مەرەكەلىك اكسيا قالالىق پەريناتالدىق ورتالىعىندا دا جالعاستى. مۇندا جىلىنا 8 جارىم مىڭداي ءسابي دۇنيە ەسىگىن اشادى ەكەن. سوڭعى ءبىر تاۋلىكتىڭ وزىندە 30-عا جۋىق نارەستە امان-ەسەن تۋىلعان.
«ءبىز الماتى قالاسىندا قاۋىپ-قاتەر توبىنداعى ايەلدەردى قابىلداعاندىقتان، بىزدە بوساناتىن دا، جۇكتى دە ، بوسانىپ جاتقان ايەلدەردىڭ دە سانى كوپ. ويتكەنى، الماتى قالاسىنىڭ ءاربىر 5-نارەستەسى ءبىزدىڭ پەرزەنتحانادا دۇنيەگە كەلەدى»، - دەدى قالالىق پەريناتالدىق ورتالىعىنىڭ ءبولىم مەڭگەرۋشىسى روزا قايرانبايەۆا.
جاستاردىڭ قۇتتىقتاۋى بۇل اكسيامەن عانا توقتاپ قالمايدى. الداعى كۇندەرى بەلسەندىلەر قالامىزدىڭ باستى كوشەلەرىندە اۆتوشەرۋ ۇيىمداستىرىپ، مەرەكەلىك كوڭىل كۇي سىيلايتىن بولادى.