الماتى قالاسىندا پارا بەرۋشىلەردىڭ ءبىرى 7 جىلعا باس بوستاندىعىنان ايىرىلدى.
سىبايلاس جەمقورلىققا قارسى ءىس-قيمىل اگەنتتىگى پارا بەرۋ جانە دەلدال رەتىندە قاتىسۋ زاڭمەن قۋدالاناتىنىن ەسكە سالادى، دەپ حابارلايدى Almaty-akshamy.kz.
سىبايلاس جەمقورلىققا قارسى ءىس-قيمىل اگەنتتىگىنىڭ اقپاراتى بويىنشا جىل باسىنان بەرى رەسپۋبليكا بويىنشا سىبايلاس جەمقورلىق قىلمىستىق قۇقىق بۇزۋشىلىق جاساعان 724 ادام انىقتالدى، ولاردىڭ ۇشتەن ءبىرى پارا بەرۋشى بولىپ تابىلادى (273 ادام نەمەسە 37،7%).
«پارا بەرۋ» قىلمىستىق كودەكسىندە مۇلكى تاركىلەنىپ جانە بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ، پارانىڭ جيىرمادان الپىس ەسەگە دەيىنگى سوماسى مولشەرىندە ايىپپۇل سالۋعا نە 15 جىلعا دەيىن باس بوستاندىعىنان ايىرۋعا جازالانادى، - دەلىنگەن اگەنتتىك اقپاراتىندا.
ماسەلەن، قۇقىق قورعاۋ ورگاندارىنىڭ ءبىرىنىڭ لاۋازىمدى تۇلعاسىنا 800 000 تەڭگە پارا بەرگەنى ءۇشىن قوستاناي وبلىسىندا سوتتالعان ادامعا 24 ملن تەڭگە ايىپپۇل سالىندى.
«الماتى قالاسىندا پارا بەرۋشىلەردىڭ ءبىرى 7 جىلعا باس بوستاندىعىنان ايىرىلدى. جانە مۇنداي مىسالدار كوپ»، - دەپ جازىلعان ۆەدموستۆو مالىمەتىندە.
ءوز كەزەگىندە، 2 اەك-تەن كەم پارا بەرۋ پارا بەرۋشىنى جاۋاپكەرشىلىكتەن بوساتپايدى. زاڭسىز ماتەريالدىق سىياقىنىڭ جانە سىيلىقتاردىڭ مۇنداي ءتۇرى 200 اەك مولشەرىندە ايىپپۇل تۇرىندە اكىمشىلىك جاۋاپكەرشىلىككە اكەپ سوعادى.
قىلمىستىق نەمەسە اكىمشىلىك بولسىن، سىبايلاس جەمقورلىق قۇقىق بۇزۋشىلىقتار اركىمنىڭ جەكە ىسىندە ءىز قالدىرادى، بۇل جاعىمسىز سالدارعا اكەلۋى مۇمكىن.
بۇل مەملەكەتتىك قىزمەتكە جانە كۆازيمەملەكەتتىك سەكتورعا جۇمىسقا ورنالاسۋعا كەدەرگى بولادى. سونداي-اق، ەڭبەك كودەكسىنىڭ 52-بابىنا سايكەس سىبايلاس جەمقورلىق قۇقىق بۇزۋشىلىق جاساۋ جۇمىس بەرۋشىنىڭ ءوزىنىڭ باستاماسى بويىنشا ەڭبەك شارتىن بۇزۋ ءۇشىن نەگىز بولىپ تابىلادى.
اگەنتتىك بارلىق ازاماتتاردى وزدەرىنەن باستاۋعا جانە سىبايلاس جەمقورلىق قۇقىق بۇزۋشىلىقتارعا «نولدىك» توزىمدىلىك قاعيداتىمەن جەكە تۇلعاسىن وسىرۋگە شاقىرادى.
سىبايلاس جەمقورلىق كورىنىستەرىمەن سوقتىعىسقان جاعدايدا، سىبايلاس جەمقورلىققا قارسى قىزمەتتىڭ تاۋلىك بويعى كول-ورتالىعىنا 1424 ءنومىرى بويىنشا حابارلاۋ قاجەت. قوڭىراۋ شالۋ تەگىن بولىپ تابىلادى.
اقپارات راستالعان جاعدايدا، حابارلاما 80 مىڭنان 11 ملن تەڭگەگە دەيىنگى اقشالاي سىياقىمەن ماراپاتتالادى.